Урок 7

3/Xi/07

Шардайсса даву



Лакрал к1ану
Мугутдин Чаринов

Агь, ттул буттал к1ануй, Лакку билаят, О, мой отчий край, страна лаков,
Жул цинянналагу аьзизсса нинуй! Наша общая родная мать.
Ци неъмат бунугу чил билаятрай, Какое счастье мы ни нашли в чужих краях,
Гьич ина кьабитан ттуща къашара. Тебя оставить мы не можем.
Ци шагьрурду, бугъру кьат1ув бунугу, Каких бы городов, садов ни встречали на чужбине,
Вил щархъурду, мащив хъама къаритай, Не можем забыть твоих аулов и хуторов,
Ци арду, майданну лагма бунугу, Каких бы просторов и равнин не было вокруг,
Вил муруллив, ххяллу кьаритан къашай. Не можем оставить твоих ущелий и скал.
Зунттурдив, рат1-ккут1ру щамарал хъач1ру. Горы, ущелья, бугорки щебня,
Дарардавух нани жиндралхьу нехру, Бешеные потоки в долинах,
Бюхттул барзунттайсса к1яла марххалтту, Белые снега на высоких вершинах, -
Дунияллул неъматрах жу къабулару. Всё это ни за какие услады мира не отдадим.




Барчаман зунттал к1ануй
Абуталиб Гафуров

Барчаман зунттал к1ануй,
Вил ххаллилшиву цири?
Цайми-цайми к1анттаяр
Бюхттулсса бунут1ирив?

Ягу чувк1уй бакъасса
Мяъданну бунутийрив?
Ягу тамаша бансса
Вий дусса аьламатрив?

Зах1матсса бухьурчагу,
Барчаман зунттар к1анттуй,
Муруллив ххал хьурчагу,
Янин ккаккан ччан бик1ай.




Нину
Х. Халилов

Нину му мах1атталсса инсан бур. Му дунияллул аьламат дур. Ниттил ччаврил дазу-зума къадик1ай. Инсаннал ххаллилшиву, къирият дик1аву, ас-ламус - гьарзад ниттияту дур. Ниттил дак1 к1юлассагу дур, ц1акьссагу дур, тархъанссагу дур, кьянкьассагу дур. Хъуннар хьусса дунугу, жагьилсса дунугу, нину цила багьайсса виричу дур.
Оьрч1ру ччаннай бац1аннин ганил бак1рач1ан ч1явусса буч1ай. Цала ниттийн оьруснал - мама учай, украиннал - ненька, къиргъизнал - апа, гуржиял - деда, асат1иннал - нана, лакрал - дада.
Ци мазрай учирчагу нину т1исса махъ, га хъинну х1урматрай, марц1ну ва аякьалий учай.

? Суаллу ва даву.
Цукунсса дур нину?
Ниттил дак1 цукунсса дур?
Ниттин лич1и-лич1исса мазурдий цукунсса ц1арду дур?


Махъру ва калимартту:

  • аьламат - чудо
  • дазу-зума къадик1ай - конца краю не бывает
  • ас-ламус - совесть, честь
  • ниттил дак1 к1юласса дик1ай - сердце матери бывает нежное, ранимое
  • цила багьайсса виричу - настоящий герой
  • аякьалий учай - с уважением говорят
 
/home/k1urh/k1urh.ru/docs/dokuwiki/data/pages/k1urhrulab/class/lesson_7_sr.txt · Последние изменения: 2007/11/26 18:47 barkalik
 
Recent changes RSS feed Creative Commons License Donate Powered by PHP Valid XHTML 1.0 Valid CSS Driven by DokuWiki