опоясать _ сов. 1. кого (надеть пояс) белбав байламакъ; 2. что, перен. (окружить собой) айланасын къуршамакъ; река опоясала аул оьзен юртну айланасын къуршап агъа.

опоясаться _ сов. чем 1. белин байламакъ, белин бир зат булан къысмакъ; опоясаться верёвкой белин йип булан къысмакъ; 2. перен. (окружить себя) айланасы къуршалмакъ; город опоясался садами шагьар бавлар булан къуршалгъан.

опоясывать(ся) _ несов. см. опоясать(ся).

оппозиционер _ м. оппозиционер (оппозицияны члени, якълавчусу).

оппозиционный _ прил. оппозициялыкъ, оппозициялыкъ юрютеген.

оппозиция _ ж. 1. (противодействие кому-чему-л.) оппозиция, къаршылыкъ этив, къаршы чыгъыв; 2. (группа внутри какой-л. организации) оппозиция (бир къурумну, бир жамиятны ичинде кёпчюлюкге къаршы чыгъагъан группа адамлар).

оппонент _ м. оппонент (жыйылып сёйлешеген ерде, илму эришивде биревге къаршы чыгъып сёйлейген адам).

оппонировать _ несов. оппонентлик этмек, къаршы чыгъып сёйлемек (жыйылып сёйлешеген ерде, илму эришивде).

оппортунизм _ м. оппортунизм (ишчи гьаракатында, пролетар партияланы ичинде пролетариатны интереслерин буржуазияны интереслерине табиъ этеген, буржуазия булан разилешмекге ва буржуазия булан бирге иш юрютмекге чакъырагъан, марксизмге-ленинизмге душман политика).

оппортунист _ м. оппортунист (оппортунизмни якъчысы, оппортунизм политиканы юрютеген адам).

оппортунистический _ прил. оппортунистлик, оппортунизм…

оппортунистский _ прил. оппортунистлик.

оправа _ ж. оправа, рамка, къыршав; оправа для очков гёзелдириклер учун оправа, гёзелдириклени рамкасы.

оправдание _ с. 1. (признание невиновным) (гунагьдан) тазалав, гунагьсызлыгъын токъташдырыв, дуруслав; 2. (оправдательный приговор) тазалап чыгъарылгъан къарар (судгъа берилген адамны); 3. (то, чем можно оправдать, довод) далил, себеп; привести оправдания далил гелтирмек.

оправдательный _ прил. айыпдан тазалайгъан, дуруслайгъан, шагьатлыкъ этеген, гертилейген; оправдательные документы гертилейген документлер; оправдательный приговор айыпдан тазалап чыгъарылгъан къарар.

оправдать _ сов. 1. кого (признать невиновным) (гунагьдан) тазаламакъ; гунагьсызлыгъын токъташдырмакъ, дурусламакъ; оправдать обвиняемого айыпланагъан адамны гунагьсызлыгъын токъташдырмакъ; 2. что чем (признать допустимым) тазаламакъ, уьзюрлю гьисап этмек, дурусламакъ; далил, себеп гелтирмек; оправдать отсутствие болезнью бол магъанлыгъыны айыбын авругъанлыкъ булан тазаламакъ; оправдать чьё-л. поведение биревню юрюшюн дурусламакъ; 3. что (подтвердить на деле) гёртилигин (дуруслугъун, гьакълыгъын, аминлигин) ишде гёрсетмек; оправдать доверие народа халкъны инамлыгъын аминлигин ишде гертилемек; 4. что (окупить) этилген харжны гьакъын чыгъармакъ.

оправдаться _ сов. 1. (доказать свою невиновность, правоту) оьзюню гьакълыгъын (гертилигин, гунагьсызлыгъын) исбат этмек; 2. (подтвердиться на деле) ишде, сынавда дурус гелмек, гьакъ болуп чыкъмакъ; 3. (окупиться) этилген харжы чыкъмакъ, къайтмакъ.

оправдывать(ся) _ несов. см. оправдать(ся).

оправить _ I сов. что (поправить) тийишли кюйге, тартипге салмакъ, онгармакъ, ярашдырмакъ, тюзелтмек; оправить платье перед зеркалом гюзгюню алдында опурагъын онгармакъ, ярашдырмакъ.

оправить _ II сов. что (вставить в оправу) оправагъа салмакъ, рамкаламакъ, къыршавламакъ, айланасына бир зат тутмакъ; оправить портрет портретни рамкаламакъ.

оправиться _ сов. 1. (привести себя в порядок) ярашынмакъ, опурагъын (яда чачын) онгармакъ; оправиться перед зеркалом гюзгюню алдында ярашынмакъ; 2. аврувдан сав болмакъ, айнымакъ, къолай болмакъ (после болезни); онгарылмакъ (после какого-л. стихийного бедствия и т. п.); эс тапмакъ, рагьат болмакъ (овладеть собой).

оправлять _ I, II несов. см. оправить I, II.

оправляться _ несов. см. оправиться.

опрашивать _ несов. см. опросить.

определение _ с. 1. (по гл. определить) белгилев, токъташдырыв; определение признаков холеры холера (вабаъ) аврувну белгилерин токъташдырыв; 2. (по гл. определиться) белгили болув, аян болув, мекенли болув, токъташыв; 3. (формулировка) определение, баянлыкъ (бир затны гьакъындагъы англавну токъташдырагъан баянлыкъ); определение окружности дёгерек гьызны определениясы (баянлыгъы); 4. юр. къарар; определение суда судну къарары; 5. грам. белгилевюч.

определённо _ нареч. 1. (твёрдо, ясно) белгили, дуп-дурус, ачыкъ, мекенли кюйде, аян, ахырынчылай, дагъы алышынмажакъ; высказаться определённо ачыкъ сёзюн айтмакъ; 2. (безусловно) шексиз, озокъда; он определённо прав онуки шексиз тюз.

определённость _ ж. (точность, ясность) белгилилик, дуруслукъ, ачыкълыкъ, мекенлилик, аянлыкъ, дагъы алышынмажакълыкъ; определённость отношений аралыкъланы белгилилиги.

определённый _ прил. 1. (твёрдо установленный) мекенли, токъташдырылгъан; встретиться в определённом месте мекенли бир ерде ёлукъмакъ; 2. (ясный) белгили, ачыкъ, аян; дать определённый ответ ачыкъ жавап бермек; 3. разг. (несомненный) шексиз, ачыкъ-ачыгъына, белгили; это определённая удача бу шексиз уьстюнлюк.

определить _ сов. что 1. (установить) токъташдырмакъ, белгилемек, тапмакъ; определить болезнь аврувну токъташдырмакъ; определить меру наказания этилежек такъсырны токъташдырмакъ; 2. (дать характеристику) определение бермек, баянлыкъ бермек; 3. (обусловить) себеп болмакъ; тщательная подготовка определила успех тындырыкълы гьазирлик уьстюнлюкге себеп болду.

определиться _ сов. (стать ясным) белгили болмакъ, аян болмакъ, мекенли болмакъ, токъташмакъ.

определять(ся) _ несов. см. определить(ся).

опровергать _ несов., опровергнуть сов. что гери урмакъ, инкар этмек, биревню пикрусун ялгъан этмек; опровергнуть обвинение салынагъан айыпны гери урмакъ.

опровержение _ с. 1. (действие) гери урув, инкар этив, ялгъан этив (бирев айтагъанны); 2. (речь, статья) опровержение, ялгъан этеген чыгъыш (биревню сёзюн ялгъан этип сёйленген речь, язылгъан статья); написать опровержение опровержение язмакъ.

опрокидывать(ся) _ несов. см. опрокинуть(ся).

опрокинуть _ сов. 1. что (повалить набок) авдармакъ; опрокинуть ведро педирени авдармакъ; 2. кого (сбить с ног, вывалить из экипажа и т. п.) йыкъмакъ; опрокинуть на спину сыртындан йыкъмакъ; 3. что, перен. (ниспровергнуть) гери урмакъ, бузмакъ; опрокинуть планы врагов душманланы планларын бузмакъ.

опрокинуться _ сов. 1. (повалиться набок) авмакъ, чюйре айланмакъ, бёттёбен тюшмек; стакан опрокинулся стакан авду; 2. (упасть на спину, вывалиться из экипажа и т. п.) баштигинден йыгъылмакъ; йыгъылып тюшмек.

опрометчиво _ нареч. ойлашмай, алгъасав кюйде, артын-алдын ойламай.

опрометчивость _ ж. ойлашмай иш гёрегенлик, артын-алдын ойламай урунагъанлыкъ, алгъасавлукъ.

опрометчивый _ прил. ойлашмай этилген, кёп алгъасап этилген; артын-алдын ойламай этилген; опрометчивый поступок артын-алдын ойламай этилген иш.

опрометью _ нареч. разг. бек чалт, бек алгъасап; опрометью вбежать бек алгъасап чабып гирмек.

опрос _ м. сорав, сорав алыв, суал берив.

опросить _ сов. кого сорамакъ, сорав алмакъ, суал бермек.

опросный _ прил. сорав…; опросный лист сорав кагъыз.

опротестовать _ сов. что, юр. протест этмек, рази тюгюллюгюн билдирип арза бермек; опротестовать принятое решение этилген гьукмугъа рази тюгюллюгюн билдирмек.

опротиветь _ сов. яман кюсдюрмек, бек инжитмек, жиргендиреген болмакъ, юрегин булгъандырагъан болмакъ.

опрыскивать _ сов. кого-что сепмек, бюркмек; опрыскать одеколоном одеколон сепмек.

опрятно _ нареч. газа, жыйнакълы; опрятно одеваться таза гийинмек.

опрятность _ ж. тазалыкъ, жыйнакълылыкъ.

опрятный _ прил. таза, жыйнакълы; опрятный человек жыйнакълы адам.

оптика _ ж. оптика (1. физиканы бир бёлюгю, ярыкъны тюрлю-тюрлю гьалларын, хасиятларын уьйренеген илму; 2. шо илмуну законларына кюрчюленген приборлар, къураллар).

оптимизм _ м. оптимизм (яшав камилликге, яхшылыкъгъа бара деп дюньягъа къарав; яшавну янгыз яхшы янларын гёрмек, гьар ишде уьстюнлюкге инанмакъ).

оптимист _ м. оптимист (яшавну янгыз яхшы янларын гёреген, умут уьзмейген гиши).

оптимистический _ прил. оптимистлик; оптимистическое настроение оптимистлик гьал.

оптический _ прил. оптика…; оптический; оптические приборы оптика приборлары, оптический къураллар; оптический магазин оптика магазини; оптический обман гёз алдав, алдатывлу гёрюнюш.

оптовый _ прил. ломай, топлап; оптовая цена ломай багьасы.

оптом _ нареч. ломайлап; продажа товаров оптом малны ломайлап сатыв.

опубликование _ с. халкъгъа яйыв, билдирив, печатдан чыгъарыв, печатдан таба халкъгъа малим этив.

опубликовать _ сов., опубликовывать несов. что халкъгъа яймакъ, билдирмек, печатдан чыгъармакъ; печатдан таба халкъгъа малим этмек; опубликовать статью макъаланы (статьяны) печатдан чыгъармакъ.

опускать(ся) _ несов. см. опустить(ся).

опустелый _ прил. бошап къалгъан, ташланып къалгъан; опустелый дом бошап къалгъан уьйлер.

опустение _ с. бошалыв, ташланып къалыв.

опустеть _ сов. бошалмакъ, ташланып къалмакъ, боп-бош болуп къалмакъ.

опустить _ сов. 1. кого-что (переместить ниже, сверху вниз) тёбен тюшюрмек, тёбен тартмакъ; эниш салмакъ, салмакъ, энкейтмек; опустить ребёнка на пол яшны полгъа салмакъ; опустить фитиль в лампе лампаны мелтесин тёбен тартмакъ; опустить голову башын салландырмакъ; 2. что (поместить в глубь чего-л.) салмакъ; батдырмакъ; сукъмакъ; опустить письмо в ящик кагъызны ящикге салмакъ; опустить руку в воду къолун сувгъа сукъмакъ; 3. что (откинуть, придать лежачее положение) ятдырмакъ; опустить воротник ягъасын ятдырмакъ; 4. что (пропустить) къоюп оьтмек; опустить абзац при чтении охуйгъанда бир абзацны къоюп оьтмек.

опуститься _ сов. 1. тюпге тюшмек, уьстюне тюшмек; олтурмакъ; он опустился в кресло ол креслода олтуруду; 2. перен. (о тумане и т. п.) басмакъ, къапламакъ, къуршамакъ; 3. (откинуться) артын-ерли авмакъ, ятмакъ; воротник опустился ягъа ятды; 4. перен. (морально) алдынгъы яхшы келпетин тас этмек, тёбенлешмек, бузулмакъ, осаллашмакъ, пыстыл болуп къалмакъ; ◊ у него руки опустились ону къолундан иш гелмейген болуп къалды.

опустошать _ несов. см. опустошить.

опустошение _ с. в разн. знач. дагъытыв, бузув, пуч этив, бош этип къоюв.

опустошительный _ прил. дагъытагъан, бузагъан, пуч этеген, хараба этеген, бош этип къоягъан.

опустошить _ сов. что 1. (разорить) дагъытып къоймакъ, пуч этмек, бузуп къоймакъ, бош этип къоймакъ; 2. разг. (опорожнить) бошатып къоймакъ, бошатмакъ; опустошить бутылку шишаны бошатып къоймакъ.

опутать _ сов., опутывать несов. 1. кого-что (обвязать) чырмамакъ, байламакъ; опутать ноги верёвкой аякъларын йип булан байламакъ (чырмамакъ); 2. кого, перен. разг. (уловками сбить с толку) башын чырмамакъ.

опухать _ несов., опухнуть сов. шишмек, гёпмек, бёртмек.

опухоль _ ж. шишик, чыгъыв.

опухший _ прил. шишген, гёпген, бёртген.

опушать _ несов., опушить сов. что 1. (обшить мехом) къырыйларына хас, тюк тутмакъ; 2. (запорошить) уьстюне къар (яда къырав) тюшмек, басмакъ; воротник опушило снегом ягъасын къар басгъан.

опушка _ I ж. (край леса) агъачлыкъны ягъасы, орманны ягъасы.

опушка _ II ж. 1. (действие) тюклю омуз тутув, тюк тутув (опуракъгъа); 2. (меховая обшивка) тюклю омуз.

опыление _ с. 1. бот. урлукъландырыв, ашлав, чанглав (чечекдеги аталыкъ урлукъну - чангны аналыкъ тююрюне тюшюрюв); искусственное опыление яблонь алма тереклени искусственный (адам юрютген) урлукъландырыв (чанглав); 2. с.-х. (опрыскивание) дарман урув, дарман себив; опыление с самолёта для уничтожения саранчи ченгерткини ёкъ этмек учун самолётдан таба дарман урув.

опылить _ сов. что 1. бот. урлукъландырмакъ, ашламакъ, чангламакъ; опылить кукурузу гьабижайны урлукъландырмакъ; 2. с.-х. (опрыскать) дарман урмакъ, дарман сепмек.

опылиться _ сов. бот. урлукъланмакъ, ашланмакъ, чангланмакъ.

опыт _ м. в разн. знач. сынав; химический опыт химический сынав; житейский опыт яшавлукъ сынаву; узнать на опыте сынап билмек.

опытность _ ж. сынавлулукъ.

опытный _ прил. 1. (обладающий опытом) сынавлу, кёп сынаву бар, ишни билеген; 2. (для ведения опытов) сыпав…; опытная станция сынав станция; 3. (основанный на опыте) сынавгъа таянгъан, сынавгъа кюрчюленген, илму-ахтарыв муратлагъа къуллукъ этеген.

опьянение _ с. 1. эсирив, кеп болув, хумар болув, пьян болув; 2. перен. (самозабвение) гёзюне дагъы зат гёрюнмейгенлик, бек къуваныв, къызышыв, пьян болув, эсирив.

опьянеть _ сов. 1. (стать пьяным) эсирмек, кеп болмакъ, эсирип кеп болмакъ, хумар болмакъ, пьян болмакъ; 2. перен. (от радости и т. п.) къуванчлыкъдан башын тас этмек, бек къуванмакъ, къызышып гетмек, пьян болмакъ, сююнмек, эсиргендей болмакъ, эсирмек.

опьянить _ сов., опьянять несов. 1. эсиртмек; 2. перен. эсиртмек, къувандырмакъ, башын айландырмакъ; пьян этмек; счастье его опьянило насип ону эсиртген.

опять _ нареч. дагъы да; ◊ опять-таки разг. 1) (к тому же) ондан къайры да, ва дагъы да; тек; 2) (ещё раз, снова) шонда да, гене де; попробовал ещё раз, опять-таки не вышло дагъы да этип къарадым, шонда да тюзелмеди.

орава _ ж. прост. низамсыз жыйылгъан бир табун адамлар.

оранжевый _ прил. наринжи, къызгъылт сари; оранжевые цветы наринжи чечеклер.

оранжерейный _ прил. оранжереяда оьсген; оранжерея…; оранжерейные цветы оранжереяда оьсген чечеклер.

оранжерея _ ж. оранжерея (исси гьавагъа уьйренген оьсюмлюклер учун этилген шиша къалкъылы исси уьй).

оратор _ м. оратор (речь айтагъан, собранияда чыгъып сёйлейген гиши).

ораторский _ прил. ораторлукъ, чыгъып сёйлев…; ораторский талант ораторлукъ гьюнер.

орать _ несов. разг. 1. акъырмакъ, бек къычырмакъ; 2. на кого (бранить) къычырып урушмакъ (биревге).

орбита _ ж. 1. астр. орбита (кёкдеги телоланы гьаракат этеген ёлу); орбита Земли Дюньяны (Ерни) орбитасы; 2. (глазница) гёзню оймасы, къутугъу.

орган _ м. 1. (часть организма) сан, орган; органы чувств сезив санлары; 2. (учреждение) къурум, учреждение; партийные органы партия къурумлары; 3. чего, перен. (орудие, средство) къурал, чара, савут; 4. (печатное издание) орган (газет, журнал).

орган _ м. муз. орган (музыка къуралы).

организатор _ м. организатор, къурувчу.

организаторский _ прил. организаторлукъ, къурувчулукъ.

организационный _ прил. къурулуш…; къурув…; организационные принципы къурулуш принциплери.

организация _ ж. 1. (по гл. организовать) къурув, тизив (создание); тартипге онгарыв, низамгъа салыв (подготовка, налаживание); бирикдирив, къурумлашдырыв (сплочение); организация труда загьматны къурув; организация масс массаланы къурумлашдырыв; 2. (по гл. организоваться) къурулув, яратылыв (возникновение); бирлешив, сыкълашыв (объединение); 3. организация, къурум, къурулуш; партийная организация партия къуруму; Организация Объединённых Наций Бирлешген Миллетлени Къуруму.

организм _ м. организм; къаркъара; животные организмы гьайван организмлери; у него крепкий организм ону бек къаркъарасы бар.

организованность _ ж. къурумлулукъ, низамлылыкъ, тартиплилик.

организованный _ прил. къурулгъан, тартипге салынгъан, низамгъа салынгъан, къурумлу кюйде этилген; в организованном порядке къурумлу кюйде; организованным путём низамлы кюйде.

организовать _ сов. и несов. 1. что (основать, создать) къурмакъ; тизмек; организовать курсы курслар къурмакъ; 2. что (наладить) онгармакъ, тартипге (низамгъа) салмакъ; организовать работу ишни низамгъа салмакъ; 3. кого-что (объединить) бирикдирмек, къурумлашдырмакъ; организовать массы массаланы бирикдирмек.

организоваться _ сов. и несов. 1. (возникнуть) къурулмакъ, яратылмакъ, тувулмакъ; у нас организовался кружок бизде кружок къурулгъан; 2. (объединиться) бирлешмек, сыкълашмакъ; организоваться для борьбы ябушув учун бирлешмек.

организовывать(ся) _ несов. см. организовать(ся).

органический _ I прил. жанлы, органический; органическая жизнь на Земле Дюньядагъы жанлы яшав; органические вещества органический затлар (веществолар).

органический _ II прил. 1. (касающийся строения органов человека) битиминдеги, битим; органический недостаток битиминдеги кемчилик; 2. перен. (неразрывно связанный с чем-л.) сыкъ, тыгъыс.

оргбюро _ с. (организационное бюро) оргбюро (къурув бюро).

оргия _ ж. ички ва бузукъ кепликлер учун этилеген йыбав.

орда _ ж. 1. ист. орду (бурунгъу заманда бир нече гёчювчю тюрк къавумланы пачалыкъ союзу, бирлешивю); Золотая орда Алтын орду; 2. перен. (сборище) низамсыз жыйылгъан бир табун адам, банда.

орден _ м. орден; орден Ленина Ленин ордени; орден Красного Знамени Къызыл Байракъ ордени; орден Красной Звезды Къызыл Юлдуз ордени; орден «Знак Почёта» «Гьюрмет белгиси» ордени; наградить орденом орден булан савгъатламакъ; получить орден орден алмакъ.

орденоносец _ м. орденли.

орденоносный _ прил. орденли, орден берилген, орден алгъан.

орденский _ прил. орден…; орденни; орденлик; орденская книжка орден книжка.

ордер _ м. ордер (язывлу буйрукъ); ордер на квартиру квартирге гирмек учун ордер.

орёл _ м. къаракъуш.

ореол _ м. (обаяние успеха, славы) нюр, шавла (уьстюнлюкню, макътавлукъну).

орех _ м. 1. (плод) къоз; чертлевюк; грецкий орех къоз; мелкий орех чертлевюк; кокосовый орех гьинд къоз; 2. (дерево) къоз терек; 3. (древесина) къоз агъач; ◊ отделать под орех, разделать под орех разг. урушмакъ, сёгюшмек.

ореховый _ прил. 1. къоз…, къозну; къоздан этилген; ореховая скорлупа къоз къабукъ; ореховая халва къоз гьалива; 2. (сделанный из орехового дерева) къоз агъачдан этилген; ореховый стол къоз агъачдан этилген стол.

орешник _ м. 1. (кустарник) чертлевюк уьлкю (терек); 2. (заросли) чертлевюклюк, чертлевюк бёлек.

оригинал _ м. 1. (подлинник) оригинал, аслу; 2. разг. (чудак) тамаша тюрлю хасиятлы адам.

оригинальничать _ несов. разг. тюрлю хасиятлары булан оьзюне халкъны къаратмакъ.

оригинальность _ ж. 1. (подлинность) оригиналлыкъ, аслулукъ; 2. (напр. литературы и т. п.) башгъасындан алынмагьанлыкъ; 3. (своеобразие) тюрлюлюк, айрылыкъ, тамашалыкъ.

оригинальный _ прил. 1. (подлинный) аслу, герти, биринчилей этилгени, оьз къолу булан язылгъаны; 2. (не заимствованный) башгъасындан алынмагъан, гёчюрюлмеген, оьзбашына этилген; 3. (своеобразный) тюрлю, айры, тамаша.

ориенталист _ м. ориенталист (Гюнтувуш халкъланы тиллерин ва культурасын уьйренеген алим).

ориентация _ ж. 1. (определение своего местонахождения) ориентация (оьзю турагъан ерни белгилев); 2. перен. (умение разобраться, осведомлённость) ориентация, ишни англав, баш чыгъарыв; 3. перен. (направленность деятельности) ишни бир якъгъа бакъдырылгъанлыгъы, тутгъан ёлу; бир затгъа, биревге таянып этилив.

ориентир _ м. ориентир, нишан, белги (бир ерде, авлакъда оьзюгер къарап ёл алмагъа болагъан предмет).

ориентировать _ сов. и несов. 1. кого (помочь разобраться в чём-л.) англамагъа кёмек этмек; ориентировать в тонкостях работы ишни назикликлерин англамагъа кёмек этмек; 2. на кого-что (предназначить, направить) бакъдырмакъ, онгармакъ (бир муратгъа); ориентировать на выполнение плана планны яшавгъа чыгъарывгъа бакъдырмакъ.

ориентироваться _ сов. и несов. 1. (определять своё положение) оьзю турагъан ерни, оьзюню гьалын белгилеп билмек; ёл алып билмек; ориентироваться в лесу агъачлыкъда ёл алып билмек; 2. перен. (освоиться, разбираться в чём-л.) башы чыкъмакъ, англаву болмакъ; он хорошо ориентируется в литературе ону литературадан яхшы англаву бар; 3. на кого-что, перен. (направлять деятельность) гёз алгъа тутмакъ, мурат тутмакъ; ориентироваться на читателя охувчуну гёз алгъа тутмакъ.

ориентировка _ ж. см. ориентация.

ориентировочный _ прил. 1. (для определения положения) ориентация учун, гьалны билмек учун этилеген; 2. (приблизительный) гёз гьисапдагъы, орта гьисапда этилген, уьлгю гьисапдагъы; ориентировочный план уьлгю гьисапда этилген план.

оркестр _ м. оркестр (1. музыка къуралларыны жыйымы, ансамбли; музыка согъувчуланы коллективи; 2. театрда музыка согъувчулар олтурагъан ер).

оркестрант _ м. оркестрда согъагъан музыкант.

оркестровый _ прил. окрестр…; оркестрлыкъ; оркестровая музыка оркестр музыкасы.

орлёнок _ м. къаракъушну баласы.

орлиный _ прил. 1. къаракъушну; орлиные крылья къаракъушну къанатлары; 2. перен. (гордый, смелый) оьктем; ◊ орлиный нос къаракъуш бурун.

орнамент _ м. орнамент (1. иск., архит. гьайванланы, отланы суратлары яда гьызлар булан этилген накъыш, безев, оюв; 2. муз. музыка да безев, мас. чарнав тавушлар булан).

оробеть _ сов. разг. бюдюремек, къоркъмакъ, тартынмакъ, уялмакъ.

ороговеть _ сов. къужурамакъ, къатмакъ; пердев тюшмек.

оросительный _ прил. сугъарыв…; сугъарагъан; оросительные работы сугъарыв ишлер; оросительный канал сугъарагъан татавул.

оросить _ сов. что сугъармакъ, сувламакъ; дымламакъ.

ороситься _ сов. сугъарылмакъ, сув сингмек; дымланмакъ.

орошать(ся) _ несов. см. оросить(-ся).

орошение _ с. сугъарыв, сувлав; система орошения сугъарыв татавуллар, сугъарыв системасы.

ортодоксальный _ прил. дурус ёлну къатты тутгъан, шо ёлдан тайышмайгъан; ортодоксальные взгляды тюз ёлгъа кюрчюленген къаравлар.

орудие _ с. 1. къурал; сельскохозяйственные орудия юрт хозяйство къураллары; орудия производства иш чыгъарыв къураллары; 2. воен. топ; дальнобойные орудия узакъгъа урагъан топлар; 3. перен. (средство, способ достижения чего-л.) чара, къурал.

орудийный _ прил. топну; топдан берилген; орудийный залп топдан берилген залп.

орудовать _ несов. в разн. знач., разг. ишлемек, иш гёрмек, гьаракат этмек; ловко орудовать топором балта булан жыйнакълы иш гёрмек; орудовать на кухне аш уьйде иш гёрмек.

оружейник _ м. дав савут ишлейген уста (ишчи).

оружейный _ прил. дав савут…, оружейный завод дав савут заводу.

оружие _ с. 1. воен. савут; огнестрельное оружие атылагъан савут; холодное оружие гесеген савут; 2. перен. (средство, способ для достижения чего-л.) къурал, ябушув чарасы, ябушув къуралы.

орфографический _ прил. орфография…; орфографическая ошибка орфография янгылышы; орфографический словарь орфография сёзлюгю.

орфография _ ж. орфография (языв къайдаланы системасы).

орфоэпия _ ж. лингв. орфоэпия (сёзлени тюз айтыв къайдалары).

оса _ ж. телижибин.

осада _ ж. къамав, къуршав; къамалгъан асгерлеге къаршы дав гьаракатлар; къамалыв, къуршалыв; снять осаду къуршавну тайдырмакъ; сидеть в осаде къамавда токътамакъ.

осадить _ I сов. 1. кого-что (подвергнуть осаде) къамавгъа алмакъ, къуршамакъ; осадить город шагьарны къамавгъа алмакъ; 2. кого-что, перен. (столпиться, окружить) къамамакъ, къуршамакъ; тутуп токътамакъ; осадить вход гиреген къапуну тутуп токътамакъ; 3. кого чем, разг. (обременить) къырсаймакъ, къарышмакъ, къаныкъмакъ; осадить вопросами соравлар булан къаныкъмакъ.

осадить _ II сов. 1. кого (остановить) бирден токътатмакъ; осадить лошадь атны бирден токътатмакъ; 2. кого, перен. (оборвать) артгъа теберип тайдырмакъ; оьз ерин, дазусун танытмакъ; сёзюн къыркъмакъ, сёзюн гесмек.

осадить _ III сов. что (в виде осадка) тонгдурмакъ.

осадка _ ж. 1. тех. (грунта, сооружения) чёгюв, эниш тюшюв; 2. мор. сувгъа батмакъ даражасы; осадка судна гемени сувгъа батмакъ даражасы.

осадный _ прил.: осадная артиллерия къамайгъанда ишленеген артиллерия (топхана); осадное положение къамав гьал (дав заманда тылны низамын къорумакъ учун этилеген гьатдан артыкъ, айры чаралар).

осадок _ м. 1. увакъ тююрлер, иримейген зат, тюбюне тюшген зат (синген затдан — мас. сувдан — савут-сабаны тамларына яда тюбюне чёгеген); осадок в вине чагъырда тонгуп тюбюне тюшген зат, чёпюре; 2. перен. (тяжёлое чувство) авур гьис, юреги сыныкъгъанлыкъ, гёнгю бузулгъанлыкъ (болгъан бир ишлерден сонг эсде къалгъан); неприятный осадок от разговора лакъырдан сонггъу авур гьис; 3. мн. осадки явунлар (янгур, къар, бурчакъ, сыгъанакъ ва ш. б.).

осадочный _ прил. геол.: осадочные породы алдынгъы денгизлерден, кёллерден тонгуп тюшюп болгъан къатлавлар.

осаждать _ I, II несов. см. осадить I, III.

осаждаться _ несов. 1. (оседать) тонгмакъ, чёкмек, тюшмек (синген затдан айрылып); 2. (об атмосферных осадках) явмакъ, ерге тюшмек (янгур, къар).

осаживать _ I, II несов. см. осадить II, III.

осанистый _ прил. гёрмекли, исбайы бойлу.

осанка _ ж. гёрюнюшю, къаркъарасын тутагъан кюю; гордая осанка оьзюню къаркъарасын оьктем тутув.

осваивать(ся) _ несов. см. освоить(ся).

осведомитель _ м. хабар береген, маълумат беривчю.

осведомить _ сов. кого хабар бермек, хабар этмек, хабар етишдирмек, билдирмек, малим этмек, маълумат бермек; осведомить о предстоящем докладе болма герекли докладны гьакъында хабар этмек.

осведомиться _ сов. о ком-чём хабар алмакъ, сорамакъ, сорап билмек; осведомиться о чьём-л. здоровье биревню савлугъу гьакъында хабар алмакъ.

осведомление _ с. 1. (по гл. осведомить) хабар берив, хабар етишдирив, билдирив, малим этив, маълумат берив; 2. (по гл. осведомиться) хабар алыв, сорав, сорап билив.

осведомлённость _ ж. хабары болмакълыкъ, билмеклик, билими болмакълыкъ; осведомлённость в спорте спортдан билими болмакълыкъ.

осведомлённый _ прил. билими бар, маълуматы бар, хабары бар адам; он хорошо осведомлён в химии ону химиядан яхшы билими бар.

осведомлять(ся) _ несов. см. осведомить(ся).

освежать(ся) _ несов. см. освежить(ся).

освежающий _ прил. салкъын этеген, тазалайгъан, янгыртагъан; освежающий ветерок салкъын этеген ел.

освежевать _ сов. что гьайванны терисин сыдырып ич-къарындан тазаламакъ.

освежить _ сов. 1. что таза, янгы, салкъын этмек, янгыртмакъ; ливень освежил воздух тели янгур гьаваны салкъын этди; освежить помещение уьйню гьавасын янгыртмакъ; 2. кого-что (восстановить в ком-л. силы) жанландырмакъ, гьавкъатын гелтирмек; 3. что (восстановить в памяти) эсинде янгыртмакъ, башындан гечгенлени янгыдан гьис этмек; освежить знания билимин янгыртмакъ.

освежиться _ сов. 1. (стать свежим) тазаланмакъ; салкъынлашмакъ, янгырмакъ; воздух освежился гьава тазаланды; 2. (восстановить свои силы) жанланмакъ, гючю ерине гелмек; 3. (восстановиться в памяти) эсде янгыртылмакъ.

осветительный _ прил. ярыкъ береген, ярыкъ этеген; осветительный прибор ярыкъ этеген прибор.

осветить _ сов. 1. кого-что ярыкъ этмек, ярыкъ бермек, ярыкъ йибермек, ярыкъландырмакъ; осветить дорогу фонарём ёлгъа панар булан ярыкъ этмек; 2. что, перен. (объяснить) англатмакъ, хабарын айтмакъ, баян этмек; осветить положение гьалланы англатмакъ.

осветиться _ сов. ярыкъ болмакъ, ярыкъланмакъ.

освещать(ся) _ несов. см. осветить(-ся).

освещение _ с. 1. (действие) ярыкъ этив, ярыкъ берив, ярыкъ йиберив, ярыкъландырыв; освещение парков паркланы ярыкъландырыв; 2. (свет) ярыкъ; вечернее освещение ахшамгъы ярыкъ; электрическое освещение электрик ярыкъ; 3. перен. (объяснение) англатыв, баян этив; освещение целей экскурсии экскурсияны мурадын баян этив.

освидетельствование _ с. ахтарып токъташдырыв, къарап токъташдырыв.

освидетельствовать _ сов. кого-что ахтарып токъташдырмакъ, къарап токъташдырмакъ (аврувну яда бир затны гьалын); освидетельствовать состояние котлов завод къазанланы гьалын ахтарып токъташдырмакъ; освидетельствовать больного авруйгъан адамны къарап аврувун токъташдырмакъ.

освистать _ сов., освистывать несов. кого-что сызгъырып сан этмейгенин, разисизлигин билдирмек; мысгъылламакъ; освистать плохого актёра осал актёрну сызгъырып мысгъылламакъ.

освободитель _ м. азат этивчю, эркин этивчю, къутгъарывчу.

освободительный _ прил. азатлыкъ учун этилеген, азатлыкъ, азат этеген, эркин этеген; освободительное движение азатлыкъ учун юрюлеген гьаракат.

освободить _ сов. 1. кого-что (сделать свободным) азат этмек, эркин этмек, эркинлик бермек, къутгъармакъ, къутултмакъ; освободить пленного пленге тюшген адамны (есирни) азат этмек; 2. что (отвоевать территорию) къайтарып алмакъ, къайтарып бермек; тазаламакъ; освободить оккупированные районы душман елеген районланы къайтарып алмакъ; 3. кого от чего (отстранить) тайдырмакъ, азат этмек, эркин этмек; освободить от работы ишден тайдырмакъ; 4. кого от чего (избавить) бошатмакъ, парахат этмек; освободить от занятий ишден парахат этмек, дарслардан парахат этмек; 5. что (сделать пустым) бошатмакъ, бошалтмакъ; освободить квартиру квартираны бошатмакъ, квартирден чыкъмакъ.

освободиться _ сов. 1. (стать свободным) азат болмакъ, эркин болмакъ, къутулмакъ; 2. (высвободиться) къутулмакъ; 3. (стать ничем не занятым) бошалмакъ; место освободилось ер бошалды.

освобождать(ся) _ несов. см. освободить(ся).

освобождение _ с. 1. (по гл. освободить) азат этив, эркин этив, къутгъарыв; къутултув; къайтарып алыв, къайтарып берив, тазалав (территории); тайдырыв (напр. от должности); парахат этив (избавление от чего-л.); бошатыв, бошалтыв (напр. помещения); 2. (по гл. освободиться) азат болув, эркин болув, къутулув; бошалыв (напр. помещения); освобождение от колониального гнёта колониялыкъны зулмусундан къутулув.

освоение _ с. пайдаланмагъа, къоллап билмеге уьйренив; мюлк этив; ишлетив; освоение целинных и залежных земель тынлыкъ ерлени ва хыйлыдан сюрюлмей къалгъан ерлени ишлетив.

освоить _ сов. что пайдаланып, яхшы къоллап билмек; мюлк этмек; ишлетмек; уьйренмек; билмек; освоить новый метод работы ишни янгы къайдасын мюлк этмек; освоить грамматику грамматиканы билмек.

освоиться _ сов. уьйренишмек, мердешленмек, къайтмакъ, гелишмек; тюшюнмек; освоиться в новой среде янгы адамланы арасында уьйренишмек; освоиться со своими обязанностями оьзюню борчларына тюшюнмек.

оседание _ с. тонгув, чёгюв, тюшюв.

оседать _ несов. см. осесть.

оседлать _ сов. 1. кого ерлемек; оседлать лошадь атны ерлемек; 2. что, разг. (сесть верхом) атча минмек; ◊ оседлать дорогу воен. ёлну тутмакъ, ёлну бийлемек.

оседло _ нареч. ерлешип, орунлашып, ари-бери гёчмей; жить оседло ерлешип яшамакъ, гёчмей яшамакъ.

оседлость _ ж. бир ерде ерлешип яшав, гёчмей яшав.

оседлый _ прил. бир ерде ерлешип яшайгъан, гёчмей яшайгъан; оседлое население ерлешип яшайгъан халкъ.

осёл _ м. 1. эшек; 2. бран. (глупец) гьайгев, агьмакъ, гьонкъа.

оселок _ м. билев таш, къайракъ.

осеменение _ с. урлукъландырыв, урлукъ салыв, балагъа тюп салыв; искусственное осеменение искусственный ёл булан урлукъландырыв.

осенить _ сов. кого-что 1. (покрыть, закрыть) уьстюн япмакъ, алдын тутмакъ, къапламакъ; 2. перен. уст. (охватить, объять) къуршамакъ; 2. (внезапно появиться) бирден юрегине гелмек; оюна гелип гетмек; его осенила мысль бирден ону юрегине бир ой гелди.

осенний _ прил. гюз…, гюзню, гюзгю, гюзлюк, гюздеги, гюзде болагъан; осенняя погода гюзгю чакъ; осенний дождь гюздеги янгур.

осень _ ж. гюз.

осенью _ нареч. гюзде, гюз заманда, гюзню узагъында.

осенять _ несов. см. осенить.

осесть _ сов. 1. (опуститься) чёкмек; дом заметно осел уьй билинеген кюйде чёкген; 2. (опуститься слоем) тюшмек, басмакъ, къонмакъ, тюшюп уьстюн япмакъ; чёкмек, тонгуп тюшмек (выделиться из раствора); пыль осела чанг тюшген; гуща осела на дно тонгуп къалыны тюбюне тюшген; 3. (поселиться) даимлик яшавлукъгъа ерлешмек, орунлашмакъ; они осели в деревне олар юртда ерлешдилер.

осетин _ м. асетин.

осетинка _ ж. асетин къатын.

осетинский _ прил. асетин…; осетинский язык асетин тил.

осётр _ м. иргъай (узун бурунлу балыкъ).

осетрина _ ж. иргъай балыкъны эти.

осечка _ ж. 1. атылмай къалыв; янгылыв; ружьё дало осечку тюбек янгылтды; 2. перен. разг. (промах) янгылыш иш, тюзелмеген иш, янгылышлыкъ, тюзелмегенлик; дать осечку янгылышлыкъ этмек.

осечься _ сов. 1. уст. (об оружии) атылмай къалмакъ, янгылмакъ; 2. перен. разг. (запнуться) сёзю гесилип къалмакъ, сёзю къыркъылмакъ, тили тутулмакъ; осечься на полуслове сёзню айтып битгинче сёзю гесилип къалмакъ.

осилить _ сов. 1. кого-что, прям., перен. (побороть, одолеть) енгмек, уьст болмакъ; 2. что, перен. разг. (усвоить) тюшюнмек, англамакъ, мюлк этмек.

осина _ ж. акътерек.

осиновый _ прил. акътерекни, акътерек…; осиновый лист акътерекни япырагъы.

осиный _ прил. телижибинни; осиный мёд телижибинни балы; ◊ осиное гнездо жамиятгъа зараллы адамлар жыйылгъан ер.

осипнуть _ сов. тавушу къарлыкъмакъ, тавушу къысылмакъ.

осиротелый _ прил. етим къалгъан, оьксюз къалгъан; осиротелые дети етим къалгъан яшлар.

осиротеть _ сов. етим къалмакъ, оьксюз болуп къалмакъ.

оскаливать(ся) _ несов. см. оскалить(ся).

оскалить _ сов. что: оскалить зубы см. оскалиться.

оскалиться _ сов. тишлерин ачмакъ, тишлерин гёрсетмек, тишин иржайтмакъ, тиш урмакъ (ит ва ш. б.).

оскандалиться _ сов. разг. биябур болмакъ, абурдан тюшмек, уятлы болмакъ.

осквернить _ сов., осквернять несов. кого-что абурсуз этмек, хорламакъ, айып салмакъ, эсгик этмек, мурдарламакъ.

осколок _ м. сынгъан гесек; осколок зеркала гюзгюден сынгъан гесек.

осколочный _ прил. 1. (происшедший от осколка) сынгъан гесек тийип болгъан; осколочное ранение гюлле яркъычны ярасы; 2. (поражающий осколками) увакъ гесеклеге ярылагъан, уватылагъан; осколочный снаряд ярылып гесек-гесек болагъан топ гюлле.

оскомина _ ж.: набить оскомину 1) тишлери къамамакъ, тишлерин къаматмакъ; 2) перен. (очень надоесть) тоймакъ, безмек.

оскорбительный _ прил. хорлайгъан, намусуна тиеген.

оскорбить _ сов. кого-что хорламакъ, намусуна тиймек, эсгик этмек; ◊ оскорбить действием токъаламакъ, урмакъ, къапас урмакъ (яягъына).

оскорбиться _ сов. хорланмакъ, хатири къалмакъ.

оскорбление _ с. хорлукъ; хорлав, намусуна тийив, эсгик этив; нанести оскорбление хорламакъ.

оскорблять(ся) _ несов. см. оскорбить(ся).

оскудевать _ несов. см. оскудеть.

оскудение _ с. ярлылашыв, касиплешив; кемив, аз болув.

оскудеть _ сов. ярлылашмякъ, пакъырлашмакъ, касиплешмек; кемимек, аз болмакъ.

ослабевать _ несов., ослабеть сов. зайыплашмакъ, къувватдан тюшмек, гьалсыз болмакъ, бош болмакъ.

ослабить _ сов. 1. кого-что къувватсыз этмек, гючсюз этмек, гьалсызлашдырмакъ, гьалсыз этмек, зайыплашдырмакъ; 2. что (уменьшить силу чего-л.) гючюн кемитмек; 3. что (сделать менее тугим) йибермек, бош этмек; ослабить пояс белбавун бош этмек; 4. что (смягчить) йымышатмакъ, енгиллешдирмек; ослабить наказание такъсырны енгиллешдирмек.

ослабление _ с. 1. (по гл. ослабить) гьалсызлашдырыв, зайыплашдырыв; гючюн кемитив; йиберив, бош этив (напр. пояса); 2. (по гл. ослабеть) зайыплашыв, къувватдан тюшюв, гьалсыз болув, бош къалыв.

ослаблять _ несов. см. ослабить.

ослабнуть _ сов. см. ослабеть.

ославить _ сов. кого-что, разг. яман ат чыгъармакъ, атын ямангъа чыгъармакъ, яманламакъ, хорламакъ.

ослёнок _ м. эшекни баласы, къодукъ.

ослепительный _ прил. 1. (очень яркий) оьтесиз ярыкъ, гёз къамашдырагъан; ослепительное солнце гёзню къамашдырагъан гюн; 2. перен. (поразительный) ажайып, гьайран этеген, бек таъсирли; ослепительная красота гьайран этеген аривлюк.

ослепить _ сов. 1. кого (лишить зрения) сокъур этмек; 2. кого-что (на время притупить зрение) гёзлерин къамашдырмакъ; 3. кого-что, перен. (поразить) гьайран этмек, гючлю таъсир этмек; 4. кого, перен. (ввести в заблуждение) адашдырмакъ, башын чырмамакъ, терс ёлгъа бакъдырмакъ.

ослепление _ с. 1. (лишение зрения) сокъур этив; 2. перен. (заблуждение) адашыв.

ослеплять _ несов. см. ослепить.

ослепнуть _ сов. сокъур болуп къалмакъ, сокъур болуп битмек.

ослиный _ прил. эшек…, эшекни; ослиные уши эшек къулакъ.

ослица _ ж. тиши эшек.

осложнение _ с. 1. (по гл. осложнить) четимлешдирив, четим этив, къарышыкълы этив, къыйынлашдырыв; 2. (по гл. осложниться) четимлешив, къарышыкълы болуп къалыв, къыйынлашыв; 3. (препятствие) пуршавлукъ, четимлик; осложнения в работе ишде четимликлер; 4. (после болезни) аслу аврувну натижасында бир санына салгъан аврув, уьстюне гелген аврув; уьзюлюп аврув; осложнение после гриппа гриппден сонг уьстюне гелген аврув.

осложнить _ сов. что четимлешдирмек, четим этмек, къарышыкълы этмек, къыйынлашдырмакъ.

осложниться _ сов. 1. (стать более сложным) четимлешмек, къарышыкълы болуп къалмакъ, къыйынлашмакъ; 2. (о болезни) аврувну уьстюне аврув гелмек; уьзюлюп аврумакъ.

осложнять(ся) _ несов. см. осложнить(ся).

ослушаться _ сов. кого-чего, разг. тынгламамакъ, тынглавсузлукъ этмек, бойсынмамакъ.

ослышаться _ сов. ярты эшитип, терс англамакъ.

осматривать(ся) _ несов. см. осмотреть(ся).

осмеивать _ несов. см. осмеять.

осмелеть _ сов. къоччакълыгъы артмакъ, къоччакъ болуп гетмек, батырланмакъ, къайратланмакъ.

осмеливаться _ несов., осмелиться сов. таваккал этмек, таваккаллыкъ этмек, тартынмамакъ.

осмеять _ сов. кого-что кюлкю этмек, кюлемек, мысгъылламакъ, иришхат этмек, иланкъы этмек.

осмотр _ м. къарап чыгъыв, тергеп къарав; осмотр больных аврувлагъа къарап чыгъыв; осмотр города шагьарны айланып къарап чыгъыв.

осмотреть _ сов. кого-что къарап чыкъмакъ, тергеп къарамакъ; осмотреть с ног до головы башдан аякъ къарап чыкъмакъ; осмотрим музей! музейни тергеп къарайыкъ!

осмотреться _ сов. 1. (поглядеть вокруг) айланасына къарамакъ, айланасындагъын танымакъ; 2. перен. (освоиться) уьйренишмек.

осмотрительность _ ж. бек сакълыкъ, ишни ойлашып этегенлик.

осмотрительный _ прил. бек сакъ, ишни ойлашып этеген.

осмысленный _ прил. гьакъыллы, англавлу, маъналы; осмысленный ответ гьакъыллы жавап; осмысленный взгляд маъналы къараш.

осмысливать _ несов., осмыслить сов. что маъна бермек, англамакъ.

оснастить _ сов., оснащать несов. что чем къуралландырмакъ, ясандырмакъ, таъмин этмек; оснастить судно гемени къуралландырмакъ (елкенин, къурухун ва ш. б. болдурмакъ); оснастить новейшей техникой инг янгы техника булан таъмин этмек.

оснащение _ с. 1. (действие) къуралландырыв, ясандырыв, таъмин этив (мас. техника булан); 2. (оборудование) къураллар.

оснащённость _ ж. къураллангъанлыкъ.

основа _ ж. 1. (источник, базис) аслу, кюрчю, тюп; лечь в основу кюрчю болмакъ; принять за основу аслу гьисапда къабул этмек; 2. мн. основы (главные положения) кюрчю законлар, кюрчюлер; основы физики физиканы кюрчю законлары; 3. грам. тюп; основа слова сёзню тюбю; 4. текст. ерлик.

основание _ с. 1. (действие) къурув, тюп салыв; год основания тюп салынгъан йыл; 2. (фундамент) орну, кюрчю, фундамент, аслу; основание дома уьйню кюрчюсю; 3. (повод, причина) себеп (гертилейген, англашдырагъан себеп); на каком основании? не себепге гёре?; без основания себепсиз; на законном основании законлу себеплеге гёре, законгъа къыйышып; ◊ до основания кюрчюсюнден, бюсбютюн, тюбюне ерли, тамам кюйде.

основатель _ м. кюрчю салгъан, къургъан, бир ишни башлагъан адам.

основательный _ прил. 1. (обоснованный) далилли, аслусу бар, агьамиятлы; 2. (прочный, крепкий) мукъаят, тындырыкълы, мугькам, бек; основательная мебель тындырыкълы этилген мебель; 3. (дельный) бажарывлу, иш бажарагъан; токъташгъан (положительный); человек он основательный ол — токъташгъан адам; 4. разг. (значительный по размеру, весу) уллу, мазаллы, авур; основательный груз авур юк.

основать _ сов. что 1. (создать, учредить) къурмакъ, тюп салмакъ; 2. на чём (обосновать) кюрчюсюн, себебин тапмакъ, кюрчюлемек; основать свои предположения на фактах оьзю этеген ёравланы фактланы уьстюнде кюрчюлемек.

основаться _ сов. 1. (образоваться) къурулмакъ, тюп салынмакъ; 2. (обосноваться) ерлешмек, орунлашмакъ, яшавгъа мекенлешмек; основаться на новом месте янгы ерде орунлашмакъ.

основной _ прил. инг агьамиятлы, аслу; ◊ в основном кюрчю гьисапда.

основополагающий _ прил. кюрчю…, баш…, кюрчю салагъан, кюрчюсюн яратагъан; основополагающий принцип кюрчю принцип.

основоположник _ м. кюрчю салгъан (илму агъымгъа, теориягъа); основоположники марксизма марксизмни кюрчюсюн салгъанлар.

основывать _ несов. см. основать.

основываться _ несов. 1. см. основаться; 2. на чём (исходить из чего-л.) кюрчюленмек, таянмакъ; шартлар, себеплер булан байлавлу болмакъ; основываться на последних достижениях техники техниканы инг ахыргъы уьстюнлюклерине кюрчюленмек.

особа _ ж. бирев, кимесе.

особенно _ нареч. 1. айрокъда; он сегодня особенно весел ол бюгюн айрокъда шат; 2. (очень) бек, кёп; ончакъы да; было не особенно весело ончакъы да кепли тюгюл эди; 3. (в особенности) айрокъда; мне особенно хотелось его увидеть мен айрокъда ону гёрме сюе эдим.

особенность _ ж. айрылыкъ, башгъачалыкъ; хасият, хасиятлыкъ; ◊ в особенности айрокъда.

особенный _ прил. 1. (необычный) башгъача, айрыча, айры; в этом нет ничего особенного шо ишде айрыча бир зат да ёкъ; 2. (более сильный, значительный) артыкъ; отличаться особенной добротой артыкъ яхшылыгъы булан айрылмакъ.

особняк _ м. онгача шагьар уьй (бир уьягьлю яшайгъан).

особняком _ нареч. айры, онгача, башгъалардан айрылып; дом стоит особняком уьй башгъалардан айры токътагъан; держаться особняком башгъалардан айрылып турмакъ.

особо _ нареч. 1. (особенно) айрыча, айрокъда, хасокъда; особо важная проблема хасокъда агьамиятлы масъала; 2. (отдельно) айры; рассмотреть вопрос особо масъалагъа айры къарамакъ.

особый _ прил. 1. (отличительный) айры, хас, башгъа; придерживаться особого мнения айры бир пикруда болмакъ; 2. (отдельный) айры, башгъача бир; выделить в особую статью айры статья этип айырмакъ.

осознавать _ несов. см. осознать.

осознание _ с. англав, тюшюнюв.

осознать _ сов. что англамакъ, тюшюнмек; осознать свою вину оьзюню айыбын англамакъ.

осока _ ж. бот. къыякъ.

оспа _ ж. мед. чечек (аврув); ◊ ветряная оспа сувлу чечек, къызыл зат (чечекге ошайгъан аврув).

оспаривать _ несов. 1. см. оспорить; 2. что (добиваться чего-л.) чалышмакъ; ярышгъа чыгъып къаст этмек; оспаривать звание чемпиона чемпион атны алмагъа чалышмакъ.

оспенный _ прил. чечек аврувну…; чечекден авруйгъан; оспенный больной чечекден авруйгъан; оспенная эпидемия чечек аврувну эпидемиясы.

оспопрививание _ с. чечек языв, чечек чыгъарыв (аврувдан сакъламакъ учун).

оспорить _ сов. что (выступить с возражением) къаршы чыкъмакъ, эришмек, тартышмакъ, эришип разисизлигин билдирмек.

осрамить _ сов. кого-что, разг. илыкъдырмакъ, биябур этмек, бетлемек, уялтмакъ.

осрамиться _ сов. разг. илыкъмакъ, биябур болмакъ.

оставаться _ несов. см. остаться; ◊ счастливо оставаться! сав бол!, сав болугъуз!, эсен туругъуз!

оставить _ сов. 1. кого-что, в разн. знач. къоймакъ; я оставил книгу дома мен китапны уьйде къойгъанман; это надо оставить на завтра шону тангалагъа къойма герек; оставить вопрос открытым масъаланы ачыкъ къоймакъ; оставить в покое рагьат къоймакъ; оставить вопрос без ответа суалгъа жавап бермей къоймакъ; оставить надежду умутну гесмек, умутну уьзмек, умутну къоймакъ; 2. кого, перен. (исчезнуть, иссякнуть) битмек, таймакъ; силы оставили его ону къувваты битди; сознание оставило меня эсим тайды; ◊ оставить мир гечинмек, оьлмек; оставить за собой, оставить позади артда къоймакъ, озмакъ (ярышда); оставить с носом разг. алдатмакъ; оставить в дураках разг. онгайсыз гьалгъа салмакъ.

оставлять _ несов. см. оставить; ◊ оставляет желать многого (лучшего) болмагъа тийишли кюйде яхшы тюгюл.

остальной _ прил. 1. в разн. знач. къалгъаны; 2. в знач. сущ. мн. остальные къалгъанлары.

останавливать(ся) _ несов. см. остановить(ся).

останки _ только мн. оьлю, сюек.

остановить _ сов. кого-что, в разн. знач. токътатмакъ; остановить поезд поездни токътатмакъ; остановить работу ишни токътатмакъ; остановить прохожего ёлавчуну токътатмакъ; остановить внимание на чём-л. тергевюн бир затгъа бакъдырмакъ (салмакъ).

остановиться _ сов. в разн. знач. токътамакъ; часы остановились сагьат токътагъан; мы остановились в гостинице биз гостиницада токътадыкъ (ерлешдик); на этом вопросе следует остановиться подробнее шо масъаланы уьстюнде бираз да кёп токътамагъа герек.

остановка _ ж. 1. (действие) токътав, токътагыв, токъталмакъ, токътамакъ; остановка поезда поездни токътамагъы; 2. (пункт) токътайгъан ер; автобусная остановка автобус токътайгъан ер; ◊ остановка только за этим иш янгыз шогъар тирелген.

остаток _ м. 1. (неиспользованная часть чего-л.) къалгъан гесек, артыгъы; 2. чаще мн. остатки (то, что осталось, уцелело) къалгъаны; 3. (конец) арты, къалгъаны; остаток жизни яшавну арты; 4. мн. остатки (отбросы) къалды-къулдулар.

остаться _ сов. в разн. знач. къалмакъ; остаться дома уьйде къалмакъ; у меня осталось сто рублей мени юз манатым къалгъан; остаться без дела ишсиз къалмакъ.

остеклить _ сов. что шиша салмакъ.

остепениться _ сов. саламатлы болмакъ, салмакълы болмакъ, сабур болмакъ, саламатлашмакъ.

остервенелый _ прил. къазаплангъан, оьчюкген, къутургъан, вагьшилешген.

остервенение _ с. къазапланыв, оьчюгюв, къутурув, вагьшилешив.

остервенеть _ сов. къазапланмакъ, оьчюкмек, къутурмакъ, вагьшилешмек.

остервениться _ сов. см. остервенеть.

остерегаться _ несов., остеречься сов. кого-чего или с неопр. сакъланмакъ, сакъ болмакъ; остерегаться простуды сувукъ тиймекден сакъ болмакъ.

остов _ м. аслу, таяв; чаталлары; остов судна гемени аслусу.

остолбенеть _ сов. тербенме болмай къалмакъ, адап къалмакъ, къатып къалмакъ; остолбенеть от удивления тамаша болуп адап къалмакъ.

остолоп _ м. бран. агьмакъ, гьайгев.

осторожность _ ж. сакълыкъ, сакъ болмакълыкъ; асталыкъ.

осторожный _ прил. сакъ; аста; осторожное обращение с механизмами механизмлер булан сакъ иш гёрюв, сакъ айланыв.

осточертеть _ сов. разг. лап яман инжитмек, беззер этмек.

остригать(ся) _ несов. см. остричь(ся).

остриё _ с. 1. (острый конец) уч; остриё иголки инени учу; остриё карандаша карандашны учу; 2. (лезвие) итти яны, авзу; остриё бритвы бичакъны авзу; 3. перен. (существенная часть) инг агьамиятлы яны, гючлю ери; остриё критики критиканы гючлю ери.

острить _ I несов. что (делать острым) итти этмек, билемек; острить ножи бичакъланы итти этмек.

острить _ II несов. (говорить остроты) оьтгюр сёйлемек, гьазир жаваплы болмакъ, сёйлеп билмек, ихтилат этмек.

остричь _ сов. кого-что къыркъмакъ (волосы, шерсть); гесмек (ногти); остричь волосы тюклерин къыркъмакъ, чачын къыркъмакъ; остричь больного аврувну чачын къыркъмакъ.

остричься _ сов. оьзюню чачын къыркъмакъ, чачын къыркъдырмакъ.

остров _ м. атав.

островитянин _ м. атавда яшайгъан, атавлу.

островной _ прил. атавдагъы, атавлардагъы, атавда ерлешген; островное государство атавда (атавларда) ерлешген пачалыкъ.

острог _ м. уст. туснакъ, тюрьма.

острога _ ж. чанчгъы (балыкь тутагъан къурал).

остроконечный _ прил. учу итти.

остроносый _ прил. итти бурунлу, чюмек бурунлу.

острота _ ж. (остроумное выражение) итти гьакъыллы сёз, оьтгюр, гьазир сёз.

острота _ ж. 1. иттилик; острота ножа бичакъны иттилиги; 2. иттилик; острота ума гьакъылны иттилиги; 3. гючлюлюк; острота запаха ийисни гючлюлюгю; 4. (пищи) гюч, туршулукъ, гючлюлюк; в салате мало остроты салатны гючю аз; 5. (напряжённость) къыйынлашмакълыкъ; острота положения гьалны къыйынлашмакълыгъы.

остроумие _ с. итти гьакъыл, оьтгюрлюк, гьазир жаваплылыкъ, сёзге усталыкъ.

остроумный _ прил. итти гьакъыллы, оьтгюр, оьтгюр сёзлю, уста; остроумный человек оьтгюр адам; остроумное решение задачи масъаланы уста чечив.

острый _ прил. 1. итти; острый нож итти бичакъ; 2. (тонкий, хорошо развитый) назик, итти, оьтгюрлешген; острый слух назикден эшитегенлик; острое зрение итти гёрюв; 3. (проницательный) итти, теренден гёреген, англавлу; острый взгляд итти къарав; 4. (пряный) туршу, оьтгюр, гючлю, гюйдюреген; острая пища татуву гючлю аш; 5. (остроумный, язвительный)оътгюр, гючлю, аччы тиеген; острая статья гючлю статья; 6. (резкий) гючлю; острая боль гючлю авуртув; острый запах гючлю ийис; 7. (очень сильный, крайний) къыйынлы, четим, артыкъ, бек, арт даражагъа етишген; острая нужда бек гьажатлылыкъ; 8. (напряжённый) къыйын; ◊ острый угол мат. итти мююш.

остряк _ м. ихтилатчы, оьтгюр, оьтгюр сёйлемеге сюеген адам.

остудить _ сов., остужать несов. что сувутмакъ.

оступаться _ несов., оступиться сов. аягъы тайышмакъ, аягъы тайышып гетмек, аягъын онгсуз басмакъ, сюрюнмек.

остывать _ несов., остыть, остынуть сов. 1. сувумакъ; чай остыл чай сувугъан; 2. перен. (успокоиться) басылмакъ, сувумакъ, къызгъынлыгъын тас этмек; гнев его остыл ону ачуву басылгъан.

ость _ ж. 1. (у злаков) къылчыкъ; 2. (в мехе) къыл.

осудить _ сов., осуждать несов. 1. кого (приговорить) гунагьламакъ, айыплап суд гесмек; 2. кого-что (выразить неодобрение) гунагьламакъ, яман гёрмек, терс гёрмек, сёкмек.

осуждение _ с. 1. юр. гунагьлав; айыплап суд гесив; 2. (неодобрение) гунагьлав, яман гёрюв, терс гёрюв.

осунуться _ сов. разг. бек азмакъ, сорукъмакъ, чувлукъмакъ.

осушать _ несов. см. осушить.

осушение _ с. къурутув; осушение болот батмакъланы къурутув.

осушительный _ прил. къурутув…; осушительные работы къурутув ишлер.

осушить _ сов. что 1. къурутмакъ; осушить болото батмакълыкъны къурутмакъ; 2. битдирип ичмек, ичмек, ичип бошатмакъ; осушить бокал аякъны битдирип ичмек; ◊ осушить глаза йылавун токътатмакъ; осушить кому-л. слёзы биревню къайгъысына маслагьат бермек, гёнгюн алмакъ.

осушка _ ж. разг. къурутув.

осуществимый _ прил. яшавгъа чыгъарма болагъан; осуществимые планы яшавгъа чыгъарма болагъан планлар.

осуществить _ сов. что яшавгъа чыгъармакъ, тамам этмек, толтурмакъ; это трудно осуществить шону яшавгъа чыгъармагъа къыйын.

осуществиться _ сов. яшавгъа чыкъмакъ, тамам болмакъ, толмакъ; мечты осуществились умуглар яшавгъа чыкъды.

осуществление _ с. 1. (по гл. осуществить) яшавгъа чыгъарыв, тамам этив, толтурув; 2. (по гл. осуществиться) яшавгъа чыгъыв, тамам болув, толув.

осуществлять(ся) _ несов. см. осуществить(ся).

осчастливить _ сов. кого насипли этмек, насип бермек, талайлы этмек.

осыпать _ сов., осыпать несов. кого-что 1. сепмек, тёкмек; себип толтурмакъ; осыпать цветами уьстюн чечекден толтурмакъ; 2. перен.: осыпать похвалами бек макътап къоймакъ; осыпать поцелуями кёп керен оьпмек; осыпать упрёками оьпкелевден толтурмакъ.

осыпаться _ сов., осыпаться несов. 1. (обвалиться) айрылып тёгюлмек, якъ-якъгъа чачылмакъ; штукатурка осыпалась сылав айрылып тёгюлген; 2. (о деревьях и т.п.) тёгюлюп авмакъ, дагъылмакъ, тёгюлмек; цветы осыпались чечеклер тёгюлдю.

ось _ ж. (колеса) гёчерагъач.

осьминог _ м. зоол. осьминог, спрут, сегизаякъ (сорагъан санлары булангъы сегиз аякълы денгиз гьайван).

осязаемый _ прил. къол тиймек булан билинеген, тиймек булан сезилеген, эс этилеген, ачыкъ билинеген; осязаемые результаты ачыкъ билинеген натижалар.

осязание _ с. тиймек сезивю.

осязательный _ прил. 1. тиймек сезивлю, тиймек булан сезеген; осязательные органы тиймек сезивлю санлар (органлар); 2. (заметный, ощутимый) бек сезилеген, гьис этилеген, таъсирли, бек билинеген, ачыкъ гёрюнюп турагъан, уллу.

осязать _ несов. 1. кого-что тийип сезмек, гьис этмек; 2. что, перен. (ощущать) эс этмек, англамакъ.

от (ото) _ предлог с род. п. 1. (при обозначении исходного пункта источника, причины) =дан (=ден); от Москвы Москвадан; от пяти часов дня гюндюз сагьат бешден; от нас до города тридцать километров бизден шагьаргъа ерли отуз километр; он это узнал от друга ол шону къурдашындан билген; смеётся от радости шатлыгъындан кюлей; 2. (указывает на принадлежность) =ны (=ни, =ну, =ню); ключ от чемодана чемоданны ачгъычы; крышка от чайника чайникни къапкъачы; 3. (при указании даты) =дагъы (=деги); письмо от пятого июля июльну бешиндеги кагъыз; 4. (против чего-л.) =гъа (=ге); средство от головной боли баш аврувгъа дарман; ◊ день ото дня гюнден-гюн, гюн сайын; время от времени заман-заман; переписать от руки къол булан язып гёчюрмек.

от= ( ото=, отъ= ) _ гл. приставка, глагол сёзлени башына къошулуп: 1) гьаракатны ахырын, битмеклигин гёрсете, мас. откосить чалып битдирмек; отработать ишлеп битмек; 2) бир затны айрылмакълыгъын, бир затдан узакълашмакълыгъын, бир ерден тайышмакълыгъын гёрсете, мас. отклеить айырмакъ (ябушгъан затны); отойти ари таймакъ; 3. «ся»-гъа битеген глаголлар булан гелгенде башындан тайдырмакъ учун, къутулмакъ учун этилеген гьаракатны гёрсете, мас. отговориться сёйлеп къутулмакъ.

отава _ ж. с.-х. алысын от (чалынгъан ерде экинчилей чыкъгъан яш от).

отапливать _ несов. см. отопить.

отара _ ж. къой сирив.

отбавить _ сов. что, чего кемитмек, башындан алып тайдырмакъ; отбавьте немного воды сувдан биразны кемитигиз.

отбавлять _ несов. см. отбавить; ◊ хоть отбавляй тийишсиз кёп, бек кёп, оьтесиз кёп, нечакъы сюесен.

отбегать _ несов., отбежать сов. къачып арекге чыкъмакъ, узакълашмакъ, къачып таймакъ; отбежать в сторону бир якъгъа къачып таймакъ.

отбивать(ся) _ несов. см. отбить(-ся).

отбивной _ прил. тююлген, токъалангъан, токъаланып йымышалгъан; тюеген, токъалайгъан; отбивные котлеты токъаланып йымышалгъан этден этилген катлетлер.

отбирать _ несов. см. отобрать.

отбить _ сов. 1. что (отколоть) уруп сындырмакъ, сындырып тюшюрмек, сындырмакъ, тюшюрмек; отбить носик у чайника чайникни чюмегин сындырмакъ; 2. что (отразить) гери урмакъ, къайтарып урмакъ, оьзюнден тебермек, къорула туруп артгъа ташламакъ, гери къайтармакъ; отбить атаку чапгъынны гери урмакъ; 3. что, разг. (уничтожить) тайдырмакъ, ёкъ этмек; отбить охоту гьаваслыгъын тайдырмакъ; 4. кого-что (отнять с боем) дав этип, гюч булан къайтарып алмакъ, чыгъарып алмакъ; къутултмакъ; отбить город шагьарны дав этип къайтарып алмакъ; отбить пленных пленге тюшгенлени къутултмакъ; 5. кого, разг. (отделить от общей массы) айырмакъ; отбить корову от стада сыйырны тувардан айырмакъ; 6. что (выпрямить и заострить) токъалап, янчып тюз этмек; отбить косу чалгъыны авзун токъалап тюз этмек; 7. что (ударом повредить) токъалап аврутмакъ, тюртюп аврутмакъ, янчмакъ.

отбиться _ сов. 1. (отломаться) сынып тюшмек; 2. (отразить нападение) гери урмакъ, урувну, чапгъынны къайтармакъ, къорулмакъ, башындан тайдырмакъ, оьзюнден къачыртмакъ; 3. (отстать от своих) артда къалып айрылмакъ, тас болмакъ.

отблагодарить _ сов. кого 1. (поблагодарить) баракалла бермек, савбол этмек, разилик билдирмек; 2. (вознаградить) яхшылыкъ саялы къайтарыш этмек, савгъат бермек; отблагодарить за помощь этилген кёмеклик саялы къайтарыш этмек.

отблеск _ м. шавла, йыртыллавукъ; отблеск пламени ялынны шавласы.

отбой _ м. отбой (гери таймакъны, яда белгили бир гьаракатланы токътатмакъны гьакъындан берилеген сигнал); дать отбой отбой бермек; ◊ отбою (отбоя) нет разг. эпсиз кёп, оьтесиз зат.

отбор _ м. айырыв, сайлав, танглав; ◊ естественный отбор биол. табин сайлав.

отборный _ прил. сайлап айрылгъан, сайлавлу, чинк де тизив, инг яхшы; отборные яблоки сайлавлу алмалар.

отборочный _ прил. сайлайгъан, сайлап айырагъан; сайлап айырмакъ учун; отборочная комиссия сайлап айырагъан комиссия.

отбрасывать _ несов., отбросить сов. 1. кого-что (в сторону) бир янгъа ташламакъ; 2. кого-что, воен. атака (чапгъын) этип артгъа ташламакъ; 3. что, перен. (отвергнуть) гери урмакъ, рази болмамакъ; тайдырмакъ, тергев бермей къоймакъ; 4. что (отогнуть край чего-л.) ятдырмакъ, бюклемек, къайтармакъ; 5. что, перен.: отбросить тень гёлентгисин тюшюрмек.

отбросы _ мн. (ед. отброс м.) чёп-чёпюре, гьапур-чупур, къалды-къулду.

отбывание _ с. кютюв, белгиленген чакъы заман бир ерде турув.

отбывать _ несов. см. отбыть.

отбытие _ с. ёлгъа чыгъыв, гетив.

отбыть _ сов. 1. (уехать) ёлгъа чыкъмакъ, гетмек; 2. что (пробыть определённое время) кютмек, белгиленген чакъы заман бир ерде турмакъ; отбыть военную службу асгерлик къуллукъну кютмек; отбыть наказание такъсырын кютмек.

отвага _ ж. игитлик, батырлыкъ, къоччакълыкъ.

отвадить _ сов., отваживать несов. кого, разг. (отучить) уьйренчиклигин унутдурмакъ, къойдурмакъ, ташлатмакъ.

отваживаться _ несов., отважиться сов. (осмелиться) таваккаллыкъ этип бойнуна алмакъ, таваккаллыкъ этмек, таваккал этмек, тартынмамакъ.

отважный _ прил. игит, батыр, къоччакъ, таваккаллы, къоркъувну билмейтен.

отвал _ м. 1. (в сторону) авдарып тайдырыв; 2. (отплытие) бир ерден юзмеге башлав, чыгъыв, тербенив; юзюп ари тайыв (геме); 3. (у плуга) сабанны сарапан такътасы, сабанны харш этеген къанаты; ◊ до отвала (отвалу) разг. йыгъылгъынча, хырданына ерли (ашамакъ яда ашатмакъ).

отваливать(ся) _ несов. см. отвалиться).

отвалить _ сов. 1. что (отодвинуть, отбросить в сторону) авдарып ташламакъ, авдарып тайдырмакъ, бир янгъа атмакъ; 2. что, прост. (дать) чомарт кюйде, аямай бермек; 3. (отойти — о судах) юзюп ари таймакъ, чыкъмакъ; тербенмек; пароход отвалил от пристани пароход пристандан чыкъды, пристандан тербенди.

отвалиться _ сов. авуп, айрылып тюшмек, къопчуп тюшмек, тёгюлмек; угол карниза отвалился карнизни мююшю айрылып тюшген.

отвар _ м. зат къайнагъан сув (затны татыву синген); рисовый отвар дюгю къайнагъан сув.

отваривать(ся) _ несов. см. отварить(ся).

отварить _ сов. что къайнатып алмакъ, къайнатып биширмек; отварить мясо этни къайнатып алмакъ.

отвариться _ сов. сувгъа татыву чыкъгъынча къайнамакъ, тарыкъ чакъы къайнамакъ, къайнап бишмек.

отварной _ прил. къайнатып этилген, къайнатып гьазирленген, къайналгъан.

отведать _ сов., отведывать несов. что, чего, разг. 1. (попробовать) татывлап къарамакъ, бираз ашап къарамакъ, татывуна къарамакъ; 2. (испытать) сынап къарамакъ, сынавда билмек, чекмек.

отвезти _ сов. кого-что 1. (свезти) алып бармакъ, элтмек; отвезти вещи на грузовике затланы грузовикге салып алып бармакъ, грузовик булан элтмек; 2. (увезти в сторону) бир якъгъа элтмек; тайдырмакъ.

отвергать _ несов., отвергнуть сов. что гери урмакъ, къабул этмей къоймакъ, рази болмай гери уруп къоймакъ; отвергнуть предложение таклифни гери урмакъ.

отвердевать _ несов. см. отвердеть.

отверделый _ прил. къатгъан, къатып къалгъан.

отвердение _ с. (отвердевшее место) къатгъан ер.

отвердеть _ сов. къатмакъ, къатып къалмакъ; опухоль отвердела шишик къатгъан.

отверженный _ прил. и в знач. сущ. м. ихтиярсыз, янчылгъан, яшавну бары да яхшылыкъларындан магьрюм болгъан (адам).

отвернуть _ сов. что 1. (отвинтить) буруп бошатмакъ, буруп чыгъармакъ; отвернуть винт винтни (буравну) буруп бошатмакъ; 2. (поворачивая открыть) буруп ачмакъ; отвернуть кран кранны буруп ачмакъ; 3. (повернуть в сторону) башгъа якъгъа бурмакъ; она отвернула от меня лицо ол менден бетин бурду; 4. (отогнуть)къырыйын къайтармакъ, чююрмек; бюкмек; отвернуть полу шубы тонну этегин чююрмек; 5. прост. буруп уьзмек, сындырмакъ; отвернуть кукле руку къурчакъны къолун буруп уьзмек.

отвернуться _ сов. 1. (отвинтиться) бураву бошалмакъ, бурулуп чыкъмакъ; 2. (поворачиваясь открыться) бурулуп ачылмакъ; 3. (повернуться в сторону) бир якъгъа бурулмакъ, бетин бурмакъ; 4. от кого-чего, перен. (порвать отношения) аралыгъы, къатнашыву уьзюлмек, арт бермек; он совсем отвернулся от меня ол бютюнлей магъа арт берген; 5. (отогнуться) чююрюлмек, бюгюлмек; одеяло отвернулось ювургъан чююрюлген.

отверстие _ с. тешик.

отвертеться _ сов. прост. 1. (отвинтиться) бегилген еринден бурулуп, бошап чыкъмакъ; 2. перен. (отделаться) башын къачырмакъ, къутулмакъ.

отвёртка _ ж. отвёртка (винтни буруп ачагъан яда бегитеген къурал).

отвёртывать _ несов. см. отвернуть.

отвёртываться _ несов. см. отвернуться, отвертеться.

отвесить _ сов. что, чего чекмек, тартмакъ; чегип бермек, тартып бермек; отвесить килограмм яблок бир килограмм алма тартып бермек.

отвесный _ прил. тик турагъан, тик; отвесная скала тик яр.

отвести _ сов. 1. кого-что (доставить) элтмек, етишдирмек; отвести ребёнка в школу яшны школагъа етишдирмек; 2. кого-что (увести в сторону) бир янгъа элтип тайдырмакъ; элтип бир ерге чыгъармакъ, артгъа тартмакъ (переместить назад, вглубь); 3. что (изменить направление) башгъа янгъа онгармакъ, бакъдырмакъ; 4. кого-что, перен. (предохранить от чего-л.) алдын сакламакъ, алдын алмакъ; 5. что, перен. (отвергнуть) гери урмакъ, къабул этмемек, тийишсиз гёрмек, тайдырмакъ; отвести чью-л. кандидатуру биревню кандидатурасын тайдырмакъ; 6. что (предоставить) айырып бермек; отвести шкафы для библиотечки библиотека учун шкафлар айырып бермек; ◊ отвести глаза гёз боямакъ, алдатмакъ.

ответ _ м. жавап; дать ответ жавап бермек; призвать к ответу жавапгъа тартмакъ; получить ответ на письмо кагъызгъа жавап алмакъ.

ответвиться _ сов. бутакъланмакъ, айрылмакъ, къол-бутакъ ачмакъ.

ответвление _ с. в разн. знач. бутакъ; ответвление железной дороги темир ёлну айрылып гетеген бутагъы.

ответвляться _ несов. см. ответвиться.

ответить _ сов. 1. жавап бермек, жавап къайтармакъ; ответить на вопрос суалгъа жавап бермек; 2. за что (поплатиться) жаваплы болмакъ, жавап бермек.

ответный _ прил. жавап…; жавабына, къайтарышына, къаршысына, жавап гьисапда; ответное письмо жавап кагъыз; ответный удар къаршы урув.

ответственность _ ж. жаваплылыкъ, жавапчылыкъ, жаваплы болмакълыкъ; жавап; взять на себя ответственность оьзюню бойнуна жаваплылыкъны алмакъ; нести ответственность жаваплы болмакъ; привлечь к судебной ответственности суд булан жавапгьа тартмакъ.

ответственный _ прил. 1. жаваплы; ответственный работник жаваплы къуллукъчу; 2. (важный, серьёзный) бек агьамиятлы; ответственный момент бек агьамиятлы момент.

ответчик _ м. юр. жавапгъа тартылагъан адам, жаваплы адам.

отвечать _ несов. 1. см. ответить 1; 2. за что (нести ответственность) жаваплы болмакъ; он отвечает за сохранность имущества малны сакъланмакълыгъына ол жаваплы; 3. чему (соответствовать) лайыкълы болмакъ, тийишли болмакъ, гелишмек; это отвечает нашим интересам бу бизин интереслерибизге гелише.

отвешивать _ несов. см. отвесить.

отвиливать _ несов., отвильнуть сов. разг. баш къачырмакъ, боюн къачырмакъ; он отвильнул от ответа ол жавап бермекден баш къачырды.

отвинтить _ сов. что буруп чыгъармакъ, буруп бошатмакъ, буруп тайдырмакъ.

отвинтиться _ сов. бурулуп чыкъмакъ, бураву бошалмакъ, бурулуп таймакъ.

отвинчивать(ся) _ несов. см. отвинтить(ся).

отвисать _ несов. см. отвиснуть.

отвислый _ прил. разг. саллангъан.

отвиснуть _ сов. салланмакъ, салланып къалмакъ.

отвлекать(ся) _ несов. см. отвлечь(ся).

отвлечённый _ прил. 1. (абстрактный) абстракт, общий, конкретный тюгюл, барлыкъдан айрылгъан; отвлечённое понятие абстракт англав, общий англав; 2. иш булан байлавлу болмагъан, къуру; отвлечённые разговоры къуру лакъыр.

отвлечь _ сов. 1. кого-что (заставить изменить направление) башгъа якъгъа бакъдырмакъ; 2. кого-что башгъа якъгъа бакъдырмакъ; айырмакъ; унутдурмакъ; отвлечь внимание тергевюн башгъа якъгъа бакъдырмакъ; отвлечь от работы ишинден айырмакъ; 3. что (абстрагировать) абстракт кюйде суратламакъ, барлыкъдан айры къарамакъ, абстракция гьалгъа салмакъ.

отвлечься _ сов. 1. айрылмакъ, бир затны къоюп, башгъасына тергев бермек; отвлечься от книги китапдан айрылмакъ; 2. (абстрагироваться) абстракт кюйде суратланмакъ, барлыкъдан айры къаралмакъ, абстракция гьалгъа салынмакъ.

отвод _ м. 1. (изменение направления) онгарыв, бакъдырыв; 2. (предоставление) айырып берив; 3. (несогласие) гери урув, къабулсузлукъ, разисизлик, къаршылыкъ; дать отвод кому-чему-л. биревге-бир затгъа разисизлик билдирмек; ◊ для отвода глаз разг. алдатмакъ учун.

отводить _ несов. см. отвести.

отводной, отводный _ прил. айланч барагъан, айланч; отводный канал айланч татавул.

отвоевать _ сов., отвоёвывать несов. 1. кого-что (отобрать, отбить) дав этип къайтарып алмакъ, ябушув булан алмакъ; 2. что, перен. къайтарып алмакъ, бек къаст этип алмакъ; отвоевать право голоса бек къаст этип тавушгъа ихтияр алмакъ; 3. разг. (закончить воевать) дав этип битмек.

отвозить _ несов. см. отвезти.

отворить _ сов. что ачмакъ.

отвориться _ сов. ачылмакъ.

отворот _ м. бюгюм, бюгюлген ер (опуракъда).

отворять(ся) _ несов. см. отворить(ся).

отвратительный _ прил. бек яман; жиргенч.

отвращение _ с. жиргенив, кюсюв; испытывать отвращение жиргенмек, кюсмек.

отвыкать _ несов., отвыкнуть сов. от кого-чего и с неопр. унутмакъ, уьйренгенлиги гетмек; ташламакъ, кююн къоймакъ.

отвязать _ сов. кого-что чечмек, чечип йибермек.

отвязаться _ сов. 1. чечилмек, чечилип эркин болмакъ; 2. перен. разг. (отделаться) башын къачырмакъ, къутулмакъ; 3. перен. разг. (перестать приставать) биревге тюртюнегенлигин къоймакъ, арчылмакъ, айрылмакъ; отвяжись от меня! айрыл менден!

отвязывать(ся) _ несов. см. отвязать(ся).

отгадать _ сов. что и без доп. чечмек; билмек; отгадать намерение къастын билмек.

отгадка _ ж. чечив; билив.

отгибать(ся) _ несов. см. отогнуть(-ся).

отгладить _ сов., отглаживать несов. что итив урмакъ; отгладить брюки шалбаргъа итив урмакъ.

отговаривать(ся) _ несов. см. отговорить(ся).

отговорить _ сов. кого от чего или с неопр. биревню пикрусундан къайтармакъ, бир затны этмежек этмек; я отговорил его ехать ону мен бармажакъ этдим.

отговориться _ сов. чем багьана гелтирмек, багьана этмек, сёйлеп къутулмакъ; отговориться болезнью аврувну багьана этмек.

отговорка _ ж. багьана этив, багьана.

отгонять _ несов. см. отогнать.

отгораживать(ся) _ несов. см. отгородить(ся).

отгородить _ сов. кого-что бёлмек, арада бару этмек, чыр этип, чал этип айырмакъ.

отгородиться _ сов. 1. бёлюнмек, арада бару этилмек, чыр этилип, чал этилип айрылмакъ; 2. перен. (обособиться) айрылмакъ, тайышмакъ.

отгребать _ несов., отгрести сов. что бир янгъа тебермек, атмакъ (тырнавуч булан, кюрек булан); отгрести солому саламны бир янгъа тебермек.

отгружать _ несов., отгрузить сов. что юклеп йибермек; отгрузить тонну картофеля бир тонна картоп юклеп йибермек.

отгрузка _ ж. юклев, юклеп йиберив; отгрузка зерна ашлыкъны юклеп йиберив.

отгрызать _ несов., отгрызть сов. что гемирип алмакъ, хабып алмакъ.

отгул _ м. эркинлик; взять отгул эркинлик алмакъ; предоставить отгул эркин этмек.

отгуливать _ несов., отгулять сов. разг. гезивден, къыдырывдан къайтмакъ; вакътини оьтгермек.

отдавать _ несов. 1. см. отдать; 2. чем (иметь привкус, запах) татымакъ, ийис (яда татыв) бермек, ийиси (яда татыву) къошулуп гелмек.

отдаваться _ несов. см. отдаться.

отдавить _ сов. что бек басып эзмек, янчмакъ.

отдаление _ с. 1. (по гл. отдалить) узакълашдырыв, арек этив; 2. (по гл. отдалиться) узакълашыв, арек болув; 3. (расстояние) йыракълыкъ; в некотором отдалении бир къадар йыракълыкъда.

отдалённость _ ж. йыракълыкъ, ареклик, узакълыкъ.

отдалённый _ прил. 1. (далёкий) йыракъдагъы, арекдеги, узакъдагъы, йыракъ; отдалённая деревня йыракъ юрт; 2. (незначительный) аз, узакъдан; отдалённое сходство аз ошашлыкъ.

отдалить _ сов. 1. кого-что (сделать более далёким) узакълашдырмакъ, арек этмек; 2. что (отложить) узатмакъ, артгъа салмакъ; отдалить встречу гёрюшювню артгъа салмакъ; 3. кого от кого (сделать менее близким) айырмакъ, экевню ювукълугъун, аралыгъын бузмакъ, кюсдюрмек.

отдалиться _ сов. 1. в разн. знач. узакълашмакъ, арек болмакъ, арекге таймакъ; отдалиться от дома уьйден узакълашмакъ; 2. перен. (отклониться) тайышмакъ; отдалиться от темы темадан тайышмакъ.

отдалять(ся) _ несов. см. отдалить(-ся).

отдать _ сов. 1. кого-что (дать, возвратить, предоставить) бермек, къайтармакъ, къайтарып бермек; отдать книгу китапны бермек; отдать долг борчун къайтармакъ; отдать билет в театр театргъа билет бермек; 2. что (передать) бермек; тапшурмакъ; отдать вещи на хранение затларын сакъламагъа бермек; 3. кого-что, разг. (продать) бермек; сатмакъ; отдать вещь за сто рублей затны он манатгъа бермек; 4. (об оружии) тепмек, артгъа селпинмек, арты ерли урунуп гетмек; ружьё сильно отдаёт тюбек бек тебе; 5. кого-что (посвятить, пожертвовать) багъышламакъ, бермек; отдать жизнь за родину ватан учун жан бермек; ◊ отдать якорь лабар салмакъ; отдать паруса елкенлени ачмакъ; отдать приказ буйрукъ бермек; отдать под суд судгъа бермек.

отдаться _ сов. чему 1. (целиком посвятить себя) берилип къалмакъ, уьстюне тюшюп къалмакъ; отдаться науке илмугъа берилип къалмакъ; 2. кому-чему (ввериться кому-чему-л.) табиъ болмакъ, бойсынмакъ; 3. (отразиться) сесленмек, таъсир этмек; его слова отдались в моём сердце ону сёзлери мени юрегиме таъсир этди.

отдача _ ж. 1. берив, къайтарыв; отдача долга борчун къайтарыв; 2. (при выстреле) артгъа тебив, артгъа селпинив.

отдежурить _ сов. 1. (закончить дежурство) дежурналыкъ этип битмек; 2. (продежурить) дежурна болуп къутулмакъ.

отдел _ м. в разн. знач. бёлюк; отдел; отдел кадров кадрлар бёлюгю; отдел критики в журнале журналда критика бёлюк.

отделать _ сов. что 1. (закончить) этип, тюзелтип битмек, бар ишин этип битмек, бар ишин тамам этмек; отделать дом уьйню бар ишин этип битмек; 2. (украсить) уьстюн беземек, ясандырмакъ.

отделаться _ сов. разг. 1. от кого-чего (избавиться) къутулмакъ; башын къачырмакъ; 2. чем къутулмакъ (аз булан); дёшево отделаться енгил къутулмакъ.

отделение _ с. 1. (по гл. отделить) айырыв; 2. (по гл. отделиться) айрылыв; 3. (отдел) бёлюк; уьй; отделение магазина магазинни бир бёлюгю; машинное отделение машин уьй; 4. (отгороженная часть) бёлме; такъча; бёлюк; в шкафу несколько отделений шкафны бир нече бёлюгю бар; 5. (концерта и т. п.) бёлюк; 6. воен. отделение, бёлюк.

отделить _ сов. 1. что (отобрать) айырып алмакъ, айырмакъ; 2. что (выделить часть чего-л., отдать) айырып бермек, айырмакъ; 3. чем (отгородить) айырып дазуламакъ, айырмакъ; отделить перегородкой бёлме этип айырмакъ.

отделиться _ сов. 1. от чего (отстать) айрылмакъ; 2. от кого-чего (отойти) айрылмакъ, айрылып тайышмакъ.

отделка _ ж. 1. (действие) тюзлеп битдирив, ишлеп битдирив, бар ишин тамам этив; ясандырыв, ясандырып тамам этив; отделка театра театрны бинасын ясандырып тамам этив; 2. (украшение) беземек учун герекли затлар, накъышлар, оювлар.

отделывать(ся) _ несов. см. отделать(ся).

отдельно _ нареч. айры, айрылып, айры болуп.

отдельность _ ж.: в отдельности айры, айрылыкъда.

отдельный _ прил. 1. (обособленный) айры, онгача, янгыз; отдельные деревья янгыз тереклер; 2. (самостоятельный) айры, онгача; квартира с отдельным ходом айры хоту булангъы квартир; 3. (некоторый) бир-бир; отдельные лица бир-бир адамлар; в отдельных случаях бир-бир гезиклерде.

отделять _ несов. 1. см. отделить; 2. что (служить границей) айырмакъ.

отделяться _ несов. см. отделиться.

отдёргивать _ несов., отдёрнуть сов. что 1. (отвести назад) тез тартып тайдырмакъ; отдёрнуть руку къолун тез тартып алмакъ; 2. (отвести в сторону) бир янгъа тартмакъ; отдёрнуть занавеску пердени бир янгъа тартмакъ.

отдирать _ несов. см. отодрать 1.

отдохнуть _ сов. ял алмакъ, рагьатланмакъ, тынчаймакъ.

отдушина _ ж. 1. тешик (исси гьава чыкъмакъ учун этилген тешик — печде); 2. перен. юрекде жыйылгъан затлагьа (гьислеге, настроениелеге) чыкъмагъа ёл ачагъан зат.

отдых _ м. яллыкъ, ял алыв, рагьатлыкъ, ишден бош заман.

отдыхать _ несов. см. отдохнуть.

отдыхающий _ прич. и в знач. сущ. м. ял алагъан, рагьатланагъан, тынчаягъан (адам).

отдышаться _ сов. рагьат тыныш алмагъа башламакъ, солувун басмакъ.

отёк _ м. шишген, шишив (къандан айрылгъан сув жыйылып болагъан); отёки под глазами гёз тюплери шишген.

отекать _ несов. см. отечь.

отёл _ м. с.-х. къозламакъ (сыйыр).

отелиться _ сов. къозламакъ (сыйыр).

отель _ м. гостиница.

отепление _ с. исси этив.

отеплить _ сов., отеплять несов. что исси этмек (уьйню).

отец _ м. ата; отец семейства къатыны ва яшлары бар адам; уьйню уллусу; ◊ от отца к сыну атадан улангъа, наслудан наслугъа.

отеческий _ прил. ата…, атаны; аталыкъ; атасы йимик, якълайгъан, гьайын этеген; отеческий дом ата уью; отеческая любовь атаны сююмю; отеческий совет атасы йимик насигьат этив.

отечественный _ прил. ватан…, оьз ватаныны…; отечественные товары оьз ватаныны малы; Великая Отечественная война Уллу Ватан дав.

отечество _ с. ватан, ата-юрт.

отечь _ сов. шишмек (къан савуп, сув толуп); у него отекли ноги ону бутлары шишген.

отжать _ сов. что (выжать) сыкъмакъ; отжать отстиранное бельё жувулгъан ич опуракъланы сыкъмакъ.

отживать _ несов. см. отжить.

отживший _ прил. (устарелый) эсгиленген, гьалиги дёвюрде агьамиятын тас этген, заманы оьтген, оьмюрю битген; отживший обычай эсгиленген адат.

отжимать _ несов. см. отжать.

отжить _ сов. 1. оьмюр сюрмек, оьмюр гечирмек; къартаймакъ, къарт болмакъ; отжить свой век оьзюню оьмюрюн гечирмек; 2. (устареть) эсгиленмек, заманы оьтмек.

отзвук _ м. 1. (эхо) янгырыв аваз, янгырып гелеген аваз; 2. (звук, доносящийся издалека) арекден, узакъдан гелеген аваз, тавуш; отзвуки пальбы залп урувну узакъдан гелеген авазы; 3. перен. (следствие, отражение чего-л.) бир затдан сонг къалгъан гьыз, натижа, таъсир; отзвуки прошлого оьтген заманны таъсирлери.

отзвучать _ сов. тавушу, сеси токъташмакъ, тынмакъ.

отзыв _ м. (оценка) жавапланыв, багьалав, багьа берив, къыйматлав, къыймат берип язылгъан статья, рецензия; книга получила хороший отзыв китапгъа яхшы багьа берилген; отзыв о работе ишни къыйматлав.

отзыв _ м. (отозвание) къайтарыв; отзыв посла элчини къайтарыв.

отзывать _ I несов. см. отозвать.

отзывать _ II несов. чем, разг. татымакъ, ийис (яда татыв) бермек, ийиси (яда татыву) гелмек; отзывает затхлым тымчыгъан затны ийиси геле.

отзываться _ несов. см. отозваться.

отзывной _ прил.: отзывные грамоты дип. къайтарыв грамоталар.

отзывчивость _ ж. рагьмулулукъ, кёмекге гьазирлик.

отзывчивый _ прил. рагьмулу, башгъа гишини къайгъысын юрегине тез алагъан, кёмекге гьазир; отзывчивый человек рагьмулу адам.

отказ _ м. в разн. знач. отказ, гери урув, отказ этив; отказ в приёме къабул этмеге отказ этив; отказ от помощи кёмек этмекни гери урув; ◊ без отказа 1) (вволю) сюйген чакъы, нечакъы сюйсенг; 2) (исправно) арасы бёлюнмей, токътавсуз, кёп дурус; до отказа ахырына ерли, болгъан чакъы.

отказать _ сов. 1. кому в чём гери урмакъ, отказ этмек; отказать в просьбе тилевюн гери урмакъ; 2. разг. (перестать действовать) токътамакъ; мотор отказал мотор токътады; ◊ нельзя отказать ёкъ деп айтмагъа болмай; отказать себе оьзюн магьрюм къоймакъ.

отказаться _ сов. рази болмамакъ, божармамакъ, къабул этмемек, алмай къоймакъ; этмей, юрютмей къоймакъ, мюкюр болмамакъ; отказ этмек; отказаться от поездки бармакъны отказ этмек, бармагъа рази болмамакъ; отказаться от своих слов сёзюнден къайтмакъ, сёзюне инкар этмек; ◊ отказаться служить бузулуп битмек, ярамайгъан ерге чыкъмакъ.

отказывать(ся) _ несов. см. отказать(ся).

откалывать(ся) _ I, II несов. см. отколоть(ся) I, II.

откапывать _ несов. см. откопать.

откармливать _ несов. см. откормить.

откатить _ сов. что дёгеретип бир янгъа тайдырмакъ.

откатиться _ сов. бир янгъа дёгереп гетмек, бир янгъа дёгереп таймакъ.

откатывать(ся) _ несов. см. откатить(ся).

откачать _ сов., откачивать несов. 1. что (насосом) сордуруп чыгъармакъ, бошалтмакъ (насос булан); откачать воду насосом сувну насос булан чыгъартмакъ; 2. кого (привести в чувство) эсге гелтирмекъ, айындырмакъ (сувгъа батгъанны).

откачка _ ж. сордуруп чыгъарыв, бошалтыв (насос булан).

откачнуть _ сов. 1. что гьарсиллетип бир янгъа тайдырмакъ; 2. кого, перен. прост. (заставить отдалиться) кюсдюрмек, къачыртмакъ.

откачнуться _ сов. разг. (качнувшись, отклониться) гьарсиллеп бир янгъа тайышмакъ.

откашливаться _ несов. см. откашляться.

откашлянуть _ сов. что и без доп. ёткюрюп тайдырмакъ, тюкюрмек.

откашляться _ сов. ёткюрюп къакъырмакъ, бир-эки ёткюрюп алмакъ, ёткюрюп тамагъын тазаламакъ.

откидной _ прил.: откидные места ачылагъан ерлер.

откидывать(ся) _ несов. см. откинуть(ся).

откинуть _ сов. 1. кого-что (отбросить) бир янгъа ташламакъ, алып бир янгъа ташламакъ, бир янгъа авдармакъ; откинуть камни ташланы бир янгъа ташламакъ; 2. что, разг. (пренебречь чем-л.) тергев бермей къоймакъ, къоймакъ; откинь эту мысль шо гьакъылны къой; 3. что (отогнуть) ятдырмакъ, бюклемек, къайтармакъ; ачмакъ; откинуть воротник ягъасы ятдырмакъ.

откинуться _ сов. арты ерли авмакъ, таянмакъ; откинуться на спинку кресла креслону аркъасына авуп олтурмакъ.

откладывать _ несов. см. отложить.

откланиваться _ несов., откланяться сов. уст. савболлашмакъ (гете турагъанда).

отклеивать(ся) _ несов. см. отклеить(ся).

отклеить _ сов. что айырмакъ, айырып алмакъ (ябушгъан затны).

отклеиться _ сов. айрылып тюшмек, айрылып къалмакъ (ябушгъан зат).

отклик _ м. жавап, жавапланыв, сесленив; найти отклик жавап табыв; не встретить отклика жавап тапмамакъ; многочисленные отклики на призыв чакъырывгъа кёп-кёп жавапланывлар.

откликаться _ несов., откликнуться сов. в разн. знач. жавапланмакъ, жавап бермек, сесленмек; откликнуться на события болгъан ишлеге сесленмек.

отклонение _ с. 1. (по гл. отклонить) бир янгъа тайышдырыв, авдарыв, тайдырыв; перен. гери урув; отклонение предложения таклифни гери урув; 2. (по гл. отклониться) бир янгъа тайышыв, янтайыв, авмакълыкъ; 3. (несовпадение, нарушение) тайышыв, бузув; отклонение от нормы нормадан тайышыв.

отклонить _ сов. что 1. (в сторону) бир янгъа тайышдырмакъ, авдармакъ, янтайтмакъ, тайдырмакъ; 2. перен. (отвергнуть) гери урмакъ, разилик бермемек, къабул этмемек; отклонить ходатайство тилевню къабул этмемек.

отклониться _ сов. 1. (в сторону) бир янгъа тайышмакъ, авмакъ, янтаймакъ; 2. (от первоначального направления) ёлдан тайышмакъ, башгъа янгъа гетмек; 3. перен. (уклониться) башгъа затгъа чыкъмакъ; тайышмакъ; узакълашмакъ; отклониться от темы доклада докладны темасындан тайышмакъ.

отклонять(ся) _ несов. см. отклонить(ся).

отключать _ несов., отключить сов. что айырмакъ, бёлмек; отключить телефон телефонну айырмакъ.

отковыривать _ несов., отковырнуть сов. однокр., отковырять сов. что, разг. чокъуп, къазып айырмакъ, тайдырмакъ.

отколотить _ сов. разг. 1. что (отбить) уруп айырмакъ; отколотить крышку ящика ящикни къапкъачын уруп айырмакъ; 2. кого (избить) бек тёбелемек, токъаламакъ.

отколоть _ I сов. что (отбить) уруп, ярып гесегин тюшюрмек, айырмакъ, уруп сындырмакъ; отколоть глыбу льда уруп уллу гесек бузну тюшюрмек.

отколоть _ II сов. что, разг. (что-либо приколотое) тайдырмакъ, айырмакъ, чыгъармакъ, айрып алмакъ; чыгъарып тайдырмакъ.

отколоться _ I сов. 1. (отбиться) сынып тюшмек, айрылып тюшмек; 2. перен. (порвать связь) айрылмакъ, аралыгъын уьзмек; отколоться от коллектива коллективден айрылмакъ.

отколоться _ II сов. (о чём-л. приколотом) айрылып таймакъ.

откомандировать _ сов., откомандировывать несов. кого къуллукъ ишге йибермек, командировкагъа йибермек, башгъа учреждениядагъы къуллукъгъа гёчюрмек.

откопать _ сов. кого-что 1. къазып, хотгъап чыгъармакъ; 2. перен. разг. (разыскать) излеп тапмакъ; откопать редкую книгу аз табулагъан китапны излеп тапмакъ.

откорм _ м. семиртив; откорм скота гьайванланы семиртив.

откормить _ сов. кого-что семиртмек.

откормленный _ прил. бек семирген, тойгъан, яхшы сакълангъан.

откос _ м. эниш, энишлик, авлама, бет; откос холма тёбени бети; ◊ пустить поезд под откос поездни аткёзден (бетден) салып йибермек, поездни бетден авдарып йибермек.

откочевать _ сов., откочёвывать несов. гёчмек, гёчюп башгъа ерге чыкъмакъ.

открепить _ сов. 1. что (отвязать) чечмек, чечип айырмакъ, айырып алмакъ (байлангъан, бегилген ерден); 2. кого (снять с учёта) учётдан, гьисапдан чыгъармакъ.

открепиться _ сов. 1. (отвязаться) чечилмек, чечилип айрылмакъ, бошап чечилмек (байлангъан, бегилген ерден); 2. (сняться с учёта) учётдан, гьисапдан чыкъмакъ.

открепление _ с. 1. (по гл. открепить) чечип айырыв, айырыв; учётдан, гьисапдан чыгъарыв; 2. (по гл. открепиться) чечилив, айрылыв; учётдан, гьисапдан чыгъыв.

откреплять(ся) _ несов. см. открепить(ся).

откровение _ с. сырын ачыв; ачыкъ этив, баян этив.

откровенничать _ несов. разг. сырын ачмакъ, ачыкъ юрекден сёйлемек, ачылмакъ.

откровенно _ нареч. ачыкъ юрекден; откровенно говоря ачыкъдан айтгъанда, тюзю.

откровенность _ ж. ачыкъ юреклилик, сырын сакълап билмейгенлик; сырын ачыв; вызвать кого-л. на откровенность биревге сырын айтдырмакъ.

откровенный _ прил. 1. (искренний) ачыкъ юрекли, таза юрекли (гиши); 2. (очевидный, явный) ачыкъ гёрюнеген, яшырылмайгъан, белгили кюйде гёрюнеген, шексиз.

открутить _ сов., откручивать несов. что, разг. чечип тайдырмакъ; буруп чечмек, буруп язмакъ (раскручивая, отделить); буруп ачмакъ, буруп чыгъармакъ (отвинтить); открутить верёвку йипни буруп чечмек (язмакъ); открутить кран кранны буруп ачмакъ.

открывать(ся) _ несов. см. открыть(ся).

открытие _ с. 1. (действие) ачыв, ачылыв; открытие съезда съездни ачылыву; открытие новой кометы янгы кометаны (къуйрукълу юлдузну) ачыв; 2. (научное и т. п.) ачгъанлыкъ, ахтарылып табылгъан, янгы токъташдырылгъан, янгы ачылгъан зат; новое открытие янгы табулгъан зат; сделать открытие янгы затны ачмакъ.

открытка _ ж. ачыкъ кагъыз, открытка.

открыто _ нареч. ачыкъдан-ачыкъ, ачыкъ-ачыкъгъа; къоркунмай, яшырмай.

открытый _ прил. 1. (раскрытый) ачылгъан, ачыкъ, айланасы бегилмеген; открытая дверь ачыкъ эшик; открытые глаза ачылгъан гёзлер; 2. (наружный) тышдагъы, ерни уьст къатындагъы, уьстюндеги; открытые угольные копи ерни уьст къатындагъы ташкёмюр къуюлар; 3. (доступный для всех) ачыкъ; открытое партийное собрание ачыкъ партийный жыйын; 4. (явный, откровенный) ачыкъ-ачыкъдан, ачыгъына, ачыкъдан; открытая борьба ачыкъ-ачыкъдан ябушув; 5. (искренний) ачыкъ юрекли, таза юрекли; ◊ открытое голосование ачыкъ тавушгъа салыв; открытый вопрос чечилмей къалгъан масъала; открытый лоб генг мангалай; при открытых дверях халкъны гелме къоюп, тынглайгъан халкъ да булан; открытая рана ачыкъ яра.

открыть _ сов. что 1. в разн. знач. ачмакъ; открыть дверь эшикни ачмакъ; открыть рот авзун ачмакъ; открыть путь ёл ачмакъ; открыть правду гертиликни ачмакъ, тюзюн айтмакъ; 2. (начать) ачмакъ, башламакъ; открыть заседание заседанияны ачмакъ; открыть огонь атышмагъа башламакъ (тюбек, топ); 3. и с союзом «что» (обнаружить) тапмакъ, ахтарып токъташдырмакъ; открыть залежи нефти нап бар къатлавланы тапмакъ.

открыться _ сов. 1. в разн. знач. ачылмакъ; 2. (начаться) ачылмакъ, башланмакъ; 3. (показаться, выявиться) гёрюнеген болмакъ, ачыкъгъа чыкъмакъ; 4. (о болезни) гелмек, билинмек, къабунмакъ, башланмакъ; у него открылся туберкулёз огъар туберкулёз къабунгъан (аврув); 5. (признаться) сырын чечмек, ачыкъ, таза юрекден айтмакъ (оьзюню гьакъындагъы хабарны).

откуда _ нареч. 1. вопр. къайдан, не ерден; откуда он приехал? ол къайдан гелген?; откуда ты это узнал? сен ону къайдан билдинг?; 2. относ. къайдан; откуда взял, туда и положи къайдан алдынг буса, шонда да сал; ◊ откуда ни возьмись къайдан эсе хапарсыздан.

откуда-либо _ нареч. см. откуда-нибудь.

откуда-нибудь _ нареч. къайдан буса да, бир ерден; если получишь откуда-нибудь сведения, скажи бир ерден маълумат алсанг, айтарсан.

откуда-то _ нареч. къайдан эсе бир ерден.

откуп _ м. ист. откуп (пачалыкъ гелимлени, налогланы жыймагъа байры адамгъа акъчагъа сатып берилген ихтияр).

откупаться _ несов., откупиться сов. разг. гьакъ берип къутулмакъ.

откупоривать(ся) _ несов. см. откупорить(ся).

откупорить _ сов. что авзун (пробкасын) ачмакъ (открыть); башын ачмакъ (вскрыть); откупорить консервы консерваны башын ачмакъ.

откупориться _ несов. (о бутылке, бочке и т. п.) авзу (пробкасы) ачылмакъ, авзу ачылагъан болмакъ.

откусить _ сов., откусывать несов. что, чего 1. хабып алмакъ, хабып айырмакъ; откусить кусочек хлеба гиччи гесек экмекни хабып алмакъ; 2. тех. (клещами) гесип алмакъ, гесип уьзмек.

отлагательство _ с. гечикдирив, артгъа салыв; это дело не терпит отлагательства шо ишни артгъа салма ярамай.

отлагать _ несов. см. отложить 3, 5.

отламывать(ся) _ несов. см. отломать(ся), отломить(ся).

отлегать _ несов. см. отлечь.

отлежать _ сов. что уютмакъ (яман ятып); отлежать себе руку къолун уютмакъ.

отлежаться _ сов. разг. 1. (отдохнуть лёжа) ятып ял алмакъ, талгъаны таймакъ; 2. (оправиться) ятып туруп аврувдан къолай болмакъ.

отлёживать(ся) _ несов. см. отлежать(ся).

отлепить _ сов. что, разг. айырып алмакъ (ябушгъан затны).

отлепиться _ сов. разг. айрылып тюшмек, айрылып къалмакъ (ябушгъан зат).

отлеплять(ся) _ несов. см. отлепить(ся).

отлёт _ м. учуп гетив; ◊ быть на отлёте разг. тезде ёлгъа чыкъмагъа гьазирленмек; жить на отлёте разг. узакъда, четде яшамакъ; держать что-л. на отлёте разг. къаркъарасындан арек тутмакъ (къолун узатып).

отлетать _ I несов. см. отлететь.

отлетать _ II сов. 1. (закончить летать) учуп битмек (самолёт булан); 2. что, разг. (пробыть лётчиком) лётчик болуп турмакъ, лётчик болуп ишлемек, пилотлукъ этмек; отлетать десять лет он йыл лётчик болуп турмакъ.

отлететь _ сов. 1. (улететь) учуп гетмек; 2. (отскочить от удара, толчка) къакълыгъып бир янгъа ташланмакъ; 3. разг. (оторваться) тюшмек, уьзюлмек; у вас отлетела пуговица сизин пентигиз тюшген.

отлечь _ сов. безл. бир янгъа йылышмакъ, бир янгъа тайышмакъ; ял болмакъ, рагьатланмакъ, токъташмакъ, солкъ болмакъ; от сердца отлегло мени юрегим ял болду, юрегим рагьатланды, мени юрегим парахат болду.

отлив _ м. 1. (морской) ичге тартылыв, къайтыв (денгизни суву); 2. перен. (уменьшение, убыль) азалыв, кемив, тюшюв; 3. (оттенок) ачыкъ ренк, къувлума, къувлув, къулбув; золотистый отлив алтын къувлув.

отливать _ несов. 1. см. отлить; 2. чем (иметь оттенок) къувлумакъ, къулбумакъ; снег отливает серебром къар гюмюш къувлуй.

отливка _ ж. тех. 1. (действие) къуюв; 2. (изделие) къуюп этилген зат.

отлипать _ несов., отлипнуть сов. разг. айрылмакъ (ябушгъан зат).

отлить _ сов. 1. что, чего (вылить часть) башындан тёкмек, биразны тёкмек; отлейте немного чернил бираз шакъы тёгюгюз; 2. что, тех. (изготовить литьём) къуймакъ, къуюмгъа къуюп этмек.

отличать _ несов. см. отличить.

отличаться _ несов. 1. см. отличиться; 2. чем (выделяться) башгъалардан айрылмакъ, ошамамакъ, айры хасияты болмакъ; он отличается большим умом ол башгъалардан гьакъылыны артыкълыгъы булан айрыла.

отличие _ с. 1. (различие) бащгъалыкъ, айрылыкъ, ошамайгъанлыкъ; 2. (отмеченная заслуга) уьстюнлюк, абур къазангъанлыкъ, уьстюнлюгю гёрсетилгенлик; диплом с отличием уьстюнлюгю гёрсетилген диплом; ◊ в отличие от кого-чего-л. башгъалардан айры, башгъалагъа ошамай.

отличительный _ прил. башгъасындан айырагъан, айрокъда хас болгъан, хас; отличительные особенности хас айрылыкълар.

отличить _ сов. кого-что башгъасындан айырып танымакъ, айырмакъ; отличить правду от лжи гертини ялгъандан айырмакъ.

отличиться _ сов. башгъалардан айрылмакъ, оьзюн яхшы гёрсетмек; он отличился на экзамене экзаменде ол оьзюн яхшы гёрсетди.

отличник _ м. (в школе) лап яхшы билимли, оьр отметкалар алагьан охувчу, отличник.

отлично _ 1. нареч. и в знач. сказ. лап яхшы, бек тизив; 2. в знач. сущ. с. нескл. (отметка) лап яхшы, отлично; учиться на отлично отличногъа (лап яхшыгъа) охумакъ.

отличный _ прил. 1. (непохожий) башгъалардан айры, башгъалагъа ошамайгъан; отличный от других характер башгъалардан айры хасият; 2. (очень хороший) лап яхшы, бек тизив, гёрмекли, кёрклю; отличные успехи бек тизив уьстюнлюклер.

отлогий _ прил. аз эниш; отлогий берег реки оьзенни аз эниш ягъасы.

отложение _ с. 1. (на более поздний срок) артгъа салыв; 2. геол. къатлар, къатлав (сувдан чёгюп болгъан); известняковые отложения киреч таш къатлавлар.

отложить _ сов. что 1. (в сторону) бир янгъа салмакъ, бир янгъа тайдырып, айырып къоймакъ, санап айырмакъ; 2. (приберечь) жыйып сакъламакъ, жыймакъ, артгъа салмакъ, харжламай турмакъ; отложить деньги на отпуск отпуск заманы учун акъча артгъа салмакъ; 3. (отсрочить) артгъа салмакъ, узатмакъ (болжалын); отложить занятия на вторник дарсланы талатгюнге артгъа салмакъ; 4. биол. артында къоймакъ, наслугъа къоймакъ; 5. геол. къатлар къоймакъ, къатлар яратмакъ.

отложной _ прил.: отложной воротник ятагъан ягъа, ятдырылагъан ягъа.

отломать(ся) _ сов. см. отломить(-ся).

отломить _ сов. что сындырып алмакъ, сындырмакъ.

отломиться _ сов. гесеги сынып тюшмек, сынып айрылмакъ.

отлучать(ся) _ несов. см. отлучить(ся).

отлучение _ с. уст. айырыв, къувалав.

отлучить _ сов. кого, уст. къатнашмагъа къоймай айырмакъ, къуваламакъ.

отлучиться _ сов. заманлыкъгъа айрылмакъ, заманлыкъгъа чыкъмакъ, узакълашмакъ, гетмек; отлучиться на час бир сагьатгъа чыкъмакъ.

отлучка _ ж. заманлыкъгъа гетив, тайышыв, ёкъ болув; самовольная отлучка оьз ихтиярлы гетив, изну алмай тайышыв.

отмалчиваться _ несов. см. отмолчаться.

отмахиваться _ несов., отмахнуться сов. однокр. 1. (отогнать от себя) къолу булан кюшлемек, къуваламакъ (оьзюнден); 2. перен. прост. (отнестись без внимания) ишден башын къачырмакъ, тергев бермей къоймакъ, гери урмакъ; отмахнуться от дел ишлерден баш къачырмакъ.

отмежевать _ сов. что дазу этип айырмакъ, айырмакъ; отмежевать участок дазу этип участканы айырмакъ.

отмежеваться _ сов. (отделиться) айрылмакъ, айрылып токътамакъ.

отмежёвывать(ся) _ несов. см. отмежевать(ся).

отмель _ ж. сув ягъагъа таба сай ер, сайлыкъ.

отмена _ ж. тайдырыв, гери алыв, ёкъ этив, болмажакъ этив; отмена спектакля спектаклни болмажакъ этив; ◊ в отмену чего-л. орнунда, еринде (тайдырылгъан затны).

отменить _ сов. что тайдырмакъ, гери алмакъ, ёкъ этмек, болмажакъ этмек; отменить приказ буйрукъну гери алмакъ; отменить собрание жыйынны болмажакъ этмек.

отменный _ прил. бек яхшы, айрокъда тизив.

отменять _ несов. см. отменить.

отмереть _ сов. 1. (омертветь) къуруп къалмакъ, оьлю гьалгъа гелмек (сан, оьсюмлюк); 2. перен. (перестать существовать) ёкъ болмакъ; къолланмай, юрютюлмей къалмакъ.

отмерзать _ несов., отмёрзнуть сов. разг. уьшюмек.

отмеривать _ несов., отмерить, отмерять сов. что оьлчеп айырмакъ, оьлчеп белгилемек; отмерить сто шагов юз абат ерни оьлчеп белгилемек.

отмести _ сов. что 1. (в сторону) сибирип битмек, сибирип ташламакъ, бир янгъа тайдырмакъ; 2. перен. (отвергнуть) ари ташламакъ, гери урмакъ.

отместка _ ж. разг.: в отместку ачувгъа, оьчге.

отметать _ несов. см. отмести.

отметина _ ж. белги, къашгъа; лошадь с отметиной къашгъа ат.

отметить _ сов. кого-что 1. (сделать метку) белги салмакъ, белги этмек, ишара салмакъ, белгилемек; 2. и с союзом «что» (обратить внимание) гёрмек, тергев бермек, эсгермек; 3. (записать с целью учёта) эсгермек, белги этмек, язып къоймакъ; списокгъа язмакъ, гийирмек; регистрировать этмек; отметить присутствующих барланы язып къоймакъ.

отметиться _ сов. (отметить своё имя в списке) списокгъа язылмакъ, списокда атын белгилеп къоймакъ, регистрироваться этилмек.

отметка _ ж. 1. (действие) белги этив, белги салыв, белгилев; списокгъа языв, гийирив; 2. (знак) белги; 3. отметка, къыймат (охувчуланы билимин багьаламакъ учун); получить хорошую отметку на экзамене экзаменде яхшы къыймат алмакъ.

отмечать _ несов. см. отметить.

отмечаться _ несов. 1. см. отметиться; 2. (обнаруживаться) белгили болмакъ, билинмек; отмечается большой спрос на книги китаплар кёп талап этилегенлиги белгили бола.

отмирание _ с. къурув, оьлю гьалгъа гелив.

отмирать _ несов. см. отмереть.

отмокать _ несов., отмокнуть сов. дым болмакъ, бавукъмакъ, йибимек.

отмолчаться _ сов. разг. иш этип жавап бермей къоймакъ, жавапдан башын къачырмакъ.

отмораживать _ несов., отморозить сов. что уьшютмек.

отмучиться _ сов. разг. къыйналып, къыйын гёрюп битмек, къыйынлыкъдан къутулмакъ, къыйынлыкъны арты битмек.

отмывать(ся) _ несов. см. отмыть(-ся).

отмыть _ сов. что жувуп тайдырмакъ, жувуп кирин гетермек; отмыть руки жувуп къолларыны кирин гетермек; отмыть пятно жувуп ёлакъны тайдырмакъ.

отмыться _ сов. жувулуп таймакъ; жувулуп тазаланмакъ; чернила не отмылись шакъы жувулуп таймады.

отмычка _ ж. ачгъыч, отмычка (къайсы киритни де ачагъан къармакъ кепдеги къурал).

отнекиваться _ несов. разг. рази болмамакъ, мюкюр болмамакъ, отказ этмек, инкар этмек, бойнуна алмамакъ.

отнести _ сов. 1. кого-что элтмек, алып бармакъ, етишдирмек; отнести ребёнка в ясли яшны яслиге етишдирмек; отнести письмо кагъызны алып бармакъ; 2. что (переместить) алып гетмек; лодку отнесло течением агъым къайыкъны алып гетген; 3. кого-что к кому-чему (причислить, приурочить) гьисапламакъ, гьисап этмек, санамакъ, …деп гьисап этмек, белгилемек; отнести рукопись к концу XVIII века къол язманы XVIII юз йылны ахырларында язылгъан деп гьисап этмек; 4. что к чему (приписать) себебин бир затдан гёрмек, гьисап этмек; отнести ошибку к чьей-л. рассеянности янгылышны тергевсюзлюкден гьисап этмек.

отнестись _ сов. къарамакъ, гёрмек; отнестись с полным доверием бютюнлей инанып къарамакъ.

отнимать(ся) _ несов. см. отнять(-cя).

относительно _ 1. нареч. (сравнительно) оьзгелерине къарагъанда; бир къадар; это относительно хорошо сделано оьзгелерине къарагъанда бу яхшы этилген; 2. предлог с род. п. (в отношении) гьакъда, гьакъындан; что вы знаете относительно этого? шо гьакъда сиз не билесиз?

относительный _ прил. 1. (устанавливаемый в сравнении) башгъалар булан тутушдуруп, башгъалагъа гёре токъташдырылагъан; даимлик тюгюл; алышынагъан (айланадагъы шартлагъа гёре); 2. (сравнительно небольшой) дазулангъан, орта, бир къадар, уллу тюгюл, артыкъ тюгюл; относительный успех бир къадар уьстюнлюк.

относить _ несов. см. отнести.

относиться _ несов. 1. см. отнестись; 2. к кому-чему (иметь отношение) байлавлугъу болмакъ, аралыгъы болмакъ; это к делу не относится ону шу иш булан байлавлугъу ёкъ.

отношение _ с. 1. къарав; добросовестное отношение к делу ишге намусу булан къарав; 2. (связь) байлав, аралыкъ; какое у него к этому отношение? ону шону булан не байлаву бар?; 3. мн. отношения (взаимное общение) аралыкъ, байлав, къатнашыв; дружеские отношения ёлдашлыкъ къатнашывлар; производственные отношения иш чыгъарывдагъы аралыкълар; 4. (деловая бумага) отношение, ишлик кагъыз; ◊ в отношении кого-чего-л., по отношению к кому-чему-л. …бакъгъан якъда, гёре; в этом отношении шо якъдан, шо маънада, шо гьакъда; во всех отношениях гьар якъдан, гьар бир затда.

отныне _ нареч. бу гюнден тутуп, мундан сонг, гьалиден сонг, бюгюнден сонг.

отнюдь _ нареч. бир янгыз да, гьеч, гьеч де, бир де.

отнять _ сов. 1. кого-что (взять силой) чыгъарып алмакъ, къайтарып алмакъ, алмакъ; отнять игрушку оюнчакъны чыгъарып алмакъ; 2. что, перен. (лишить чего-л.) магьрюм этмек, къуру къоймакъ, алмакъ; 3. что (затратить) харжлатмакъ, алмакъ; работа отняла много времени иш ону кёп заманын алды; 4. что, разг. (вычесть) чыгъармакъ (бир санавдан бир санавну); 5. что, разг. гесмек; отнять ногу бутун гесмек; ◊ отнять ребёнка от груди яшны эмчекден айырмакъ.

отняться _ сов. уюп, тутулуп къалмакъ, тербенмейген болуп къалмакъ; къуврушуп, къуруп къалмакъ (къаркъараны санлары); у него отнялись ноги ону аякълары тербенмейген болуп къалгъан.

ото _ см. от.

ото= _ см. от=.

отобедать _ сов. тюш аш ашап битмек.

отображать(ся) _ несов. см. отобразить(ся).

отображение _ с. 1. (по гл. отобразить) суратлав, келпетлев, гёрсетив; 2. (по гл. отобразиться) суратланыв, келпетленив, гёрсетилив, гёрюнюв; 3. (то, что отображено) суратлангъан, гёрсетилген зат, сурат, келпетленген зат.

отобразить _ сов. что суратламакъ, келпетлемек, гёрсетмек.

отобразиться _ сов. суратланмакъ, келпетленмек, гёрсетилмек, гёрюнмек.

отобрать _ сов. 1. кого-что (взять обратно) чыгъарып алмакъ, къайтарып алмакъ, алмакъ, гюч булан алмакъ; 2. (выделить из общего числа) айырып алмакъ, сайлап алмакъ, тангламакъ; отобрать нужные вещи тарыкъ затланы айырып алмакъ.

отоваривать _ несов., отоварить сов. что, ком. мал булан таъмин этмек.

отовсюду _ нареч. ер-ерден, гьар якъдан.

отогнать _ сов. 1. кого-что къуваламакъ, къувалап тайдырмакъ; 2. что, перен. иш этип унутмакъ; ташламакъ; отогнать грустные мысли пашман ойларын ташламакъ.

отогнуть _ сов. что 1. (распрямить) тюз этмек, язмакъ; 2. (отвернуть края) къырыйын бюкмек, бюклемек, чююрмек; отогнуть угол скатерти скатертни къырыйын бюклемек.

отогнуться _ сов. тюз болмакъ, язылмакъ (бюгюлгени, ийелгени).

отогревать(ся) _ несов. см. отогреть(ся).

отогреть _ сов. кого-что иситмек, исси этмек; отогреть озябшие руки уьшюген къолларын иситмек.

отогреться _ сов. исинмек, исси болмакъ; отогреться у печки печни ягъында исинмек.

отодвигать(ся) _ несов. см. отодвинуть(ся).

отодвинуть _ сов. что 1. (переместить) тербетип йылышдырмакъ; ари тебермек; отодвинуть стул шанжалны йылышдырмакъ; 2. перен. разг. (отсрочить) артгъа салмакъ, узакълашдырмакъ; отодвинуть срок выполнения работы ишни тамам этилив болжалын артгъа салмакъ.

отодвинуться _ сов. 1. йылышмакъ; отодвинуться к окну терезеге таба йылышмакъ; 2. перен. (на более поздний срок) артгъа салынмакъ, узакълашмакъ; срок поездки отодвинулся барагъанлыкъны болжалы артгъа салынды.

отодрать _ сов. разг. 1. что (оторвать) юлкъуп, йыртып алмакъ; айырып алмакъ; 2. кого тёбелемек, токъаламакъ; отодрать за уши къулакъларын бурмакъ; отодрать за волосы тюклерин тартмакъ.

отодраться _ сов. разг. (оторваться) айрылып тюшмек, юлкъунуп тюшмек, айрылмакъ.

отождествить _ сов. см. отожествить.

отождествление _ с. см. отожествление.

отождествлять _ несов. см. отожествлять.

отожествить _ сов. что бир йимик гьисап этмек, ошатмакъ; отожествить два понятия эки англавну бир-бирине ошатмакъ.

отожествление _ с. бир йимик гьисап этив, ошатыв.

отожествлять _ несов. см. отожествить.

отозвание _ с. гери къайтарыв; ишинден азат этив.

отозвать _ сов. кого 1. чакъырмакъ; отозвать в сторону бир янгъа чакъырмакъ; 2. гери къайтармакъ; ишинден азат этмек; отозвать посла элчини гери къайтармакъ.

отозваться _ сов. 1. (ответить на зов) жавапланмакъ, жавап бермек, сесленмек; никто не отозвался бирев де жавапланмады; 2. о ком-чём (высказать мнение) жавапланмакъ, сесленмек; багьаламакъ, багьа бермек, къыйматламакъ, къыймат бермек; пикрусун айтмакъ; 3. на ком-чём (сказаться) таъсир этмек, натижа тувдурмакъ.

отойти _ сов. 1. (уйти, удалиться) таймакъ, тайышмакъ, ари гетмек; бираз ёл этмек (чыкъгъан еринден); отойти в сторону бир янгъа таймакъ; 2. (отбыть) гетмек; ёлгъа тюшмек; 3. (отступить) артгъа тюшмек, артгъа таймакъ; 4. перен. (отклониться) узакълашмакъ, тайышмакъ (башлап тутгъан мурадындан, эте турагъан лакъырындан); 5. (отстать) айрылмакъ; ябулмайгъан болуп къалмакъ; обои отошли от стены обой тамдан айрылгъан; 6. (исчезнуть, сойти) таймакъ; пятна отошли ёлакълар тайгъан; 7. (прийти в себя) айыкъмакъ, эс тапмакъ; ял болмакъ; жан гирмек; 8. (перейти в чью-л. собственность) биревню еслигине тюшмек (мал).

отомкнуть _ сов. 1. уст. и прост. (отпереть) ачмакъ; отомкнуть замок киритни ачмакъ; 2. (снять примкнутое) тайдырмакъ, чыгъармакъ, айырмакъ (бегилген затны); отомкнуть штык сюлчени тюбекден айырмакъ.

отомстить _ сов. кому оьч алмакъ, ачув алмакъ.

отопительный _ прил. исси этив…, иситив…; исси этеген; отопительная система уьйлени исси этив системасы; отопительный сезон уьйлени исси этив заманы.

отопить _ сов. что иситмек, исси этмек; отопить дом уьйню иситмек.

отопление _ с. иситив, исси этив (уьйню); дровяное отопление агъач ягъып иситив; паровое отопление пар булан иситив.

отоплять _ несов. см. отопить.

оторванность _ ж. айрылгъанлыкъ, байлавсузлукъ, янгызлыкъ, узакълашгъанлыкъ.

оторванный _ прич. (утративший связь) айрылгъан, байлаву гесилген, янгыз къалгъан; человек, оторванный от жизни яшавдан айрылгъан адам.

оторвать _ сов. 1. что уьзмек, юлкъмакъ; уьзюп, юлкъуп алмакъ; гесип алмакъ; тюшюрюп къоймакъ; айырып алмакъ; оторвать пуговицу пентин уьзмек; 2. кого от чего (отвлечь) айырмакъ; бирден тайдырмакъ; оторвать от работы ишден айырмакъ; 3. кого-что (разлучить) айырмакъ; оторвать от семьи уьягьлюден айырмакъ.

оторваться _ сов. 1. уьзюлмек, юлкъунмакъ, гесилмек; пуговица оторвалась пент уьзюлген; 2. (отойти, отделиться от чего-л.) айрылмакъ; 3. (перестать делать что-л.) айрылмакъ, ташламакъ; оторваться от книги китапдан айрылмакъ; 3. перен. (утратить связь) айрылмакъ, байлавун, аралыгъын тас этмек, ят болмакъ, узакълашмакъ; оторваться от масс массадан (халкъдан) айрылмакъ.

оторопеть _ сов. разг. гьайран болуп къалмакъ, адап къалмакъ, шашып къалмакъ; абдырамакъ; я оторопел, увидев его ону гёрюп мен шашып къалдым.

отослать _ сов. 1. кого-что (отправить) йибермек; отослать письмо кагъызны йибермек; 2. кого (велеть уйти) къувалап тайдырмакъ; 3. кого к кому-чему (направить) йибермек, онгармакъ, бакъдырмакъ; отослать посетителя в секретариат гелген адамны секретариатгъа бакъдырмакъ.

отоспаться _ сов. разг. юхудан тоймакъ, юхлап тоймакъ, юхлап ял алмакъ; отоспаться после дороги ёл юрюгенден сонг юхлап ял алмакъ.

отощать _ сов. разг. бек арыкъ болмакъ, зайыплашмакъ (осал ашавдан).

отпадать _ несов. см. отпасть.

отпадение _ с. 1. айрылып тюшюв; 2. перен. (от какой-л. организации) айрылыв, байлавун тас этив.

отпаивать _ I несов. см. отпоить.

отпаивать _ II несов. см. отпаять.

отпаривать _ несов. см. отпарить.

отпарировать _ сов. что 1. къайтарып урмакъ, гери урмакъ; отпарировать удар урувгъа къаршы къайтарып урмакъ; урувну, гьужумну гери урмакъ; 2. перен. (сказать что-л. в ответ) гери урмакъ, къайтарып жавап бермек.

отпарить _ сов. что, разг. 1. (отутюжить) итивлемек (сув чюпюрекден); 2. (размягчить паром) пусгъа тутуп йымышалтмакъ, бёртдюрмек, айырмакъ; отпарить мозоли къатывларын пусгъа тутуп йымышалтмакъ.

отпарывать(ся) _ несов. см. отпороть(ся).

отпасть _ сов. 1. (отделиться, оторваться) айрылып тюшмек, тёгюлмек; 2. перен. (утратить связь) айрылмакъ, байлавун тас этмек, аралыгъын гесмек, арадан чыкъмакъ, узакълашмакъ; 3. (утратить силу) гючюн, маънасын тас этмек, таймакъ; желание отпало гьаваслыгъы тайгъан; необходимость в этом отпала шону гереклиги тайгъан.

отпаять _ сов. что иритип айывмакъ (сюртюлген къалайын, лагьимин).

отпереть _ сов. что ачмакъ (бегилген ерден); отпереть дверь бегилген эшикни ачмакъ; отпереть замок киритни ачмакъ.

отпереться _ сов. 1. (открыться) ачылмакъ; 2. разг. (не сознаться) мюкюр болмамакъ, инкар этмек; он отпёрся от своих слов ол оьзюню сёзлерин инкар этди.

отпетый _ прил. разг. (неисправимый) умутсуз гьалда бузукъ; тюзелмежек; отпетый лентяй ол тюзелмежек эринчек.

отпечатать _ сов. что 1. (в типографии) печать этмек; басып чыгъармакъ; отпечатать весь тираж бютюн тиражны печать этмек; 2. (сделать отпечаток) гьыз, дамгъа салмакъ, белги салмакъ; 3. (открыть что-л. запечатанное) ачмакъ.

отпечататься _ сов. (оставить след, отпечаток) гьыз, дамгъа къоймакъ; гьызы къалмакъ, белги болмакъ; на полу отпечатались следы ног полда аякъланы гьызлары къалгъан.

отпечаток _ м. 1. (изображение) белги, басылып чыкъгьан гьыз; отпечаток пальцев бармакълар басылгъан белгилер; 2. перен. (результат воздействия чего-л.) болгъан таъсирни натижасы, белги; отпечаток болезни аврувну белгиси.

отпечатывать(ся) _ несов. см. отпечатать(ся).

отпивать _ несов. см. отпить.

отпиливать _ несов., отпилить сов. что гесип тюшюрмек (бычгъы булан).

отпирать(ся) _ несов. см. отпереть(-ся).

отписка _ ж. языв булан берилген немкъорай жавап (башындан тайдырмакъ учун).

отпить _ сов. что, чего (выпить немного) уртламакъ, башындан бираз ичмек; отпить чаю чайны уртламакъ.

отпихивать _ несов., отпихнуть сов. кого-что, разг. (оттолкнуть) теберип, тюртюп тайдырмакъ, къакълыкъдырмакъ.

отплата _ ж. гьагъын къайтарыв, къайтарыш этив, жавабын къайтарыв; в отплату за что-л. бир затны жавабына, бир затны къайтарышына.

отплатить _ сов., отплачивать несов. кому гьагъын къайтармакъ; отплатить добром за добро яхшылыкъгъа яхшылыкъ этмек, яхшылыкъны яхшылыкъ булан къайтармакъ.

отплывать _ несов. см. отплыть.

отплытие _ с. ёлгъа тюшюв, сапаргъа чыгъыв (геме булан).

отплыть _ сов. 1. (заплыть) юзюп гетмек; отплыть далеко от берега ягъадан узакъгъа юзюп гетмек; 2. (отправиться в плавание) ёлгъа тюшмек, сапаргъа чыкъмакъ (геме булан); корабль отплыл ночью ёлгъа геме гече чыкъды.

отплясывать _ несов. разг. (плясать с увлечением) кепленип бийимек.

отповедь _ ж. гери уруп, айып этип берген жавап; получить жестокую отповедь къатты айып этип жавап алмакъ.

отпоить _ сов. 1. кого (животных) оьсдюрмек, семиртмек (шорпа булан, сют булан); отпоить телёнка молоком бузавну сют булан семиртмек; 2. разг. (больного) аврувдан сав этмек (дарман ичиртип).

отползать _ сов. разг. (закончить ползать) сюйкелип токътамакъ, сюйкелип битмек.

отползать _ несов., отползти сов. сюйкелип бир янгъа таймакъ.

отполировать _ сов., отполировывать несов. что ишып лансыллатмакъ, йыртыллатмакъ, теп-тегиш этмек, сыгъалламакъ.

отпор _ м. къаршылыкъ; гери урув; къаршы жавап; встретить отпор къаршылыкъгъа ёлукъмакъ; дать отпор къаршылыкъ гёрсетмек.

отпороть _ сов. что сёкмек; отпороть подкладку у пальто пальтону ишлигин сёкмек.

отпороться _ сов. сёгюлмек; воротник отпоролся ягъасы сёгюлген.

отпотевать _ несов., отпотеть сов. разг. терлемек.

отправитель _ м. йибереген, йиберген, ёлгъа салагъан (адам); отправитель посылки посылканы йиберген адам.

отправить _ I сов. кого-что йибермек; ёлгъа салмакъ; отправить посылку посылканы йибермек; отправить на работу ишге йибермек; отправить больного в санаторий аврувну санаторийге йибермек; отправить поезд поездни ёлгъа салмакъ.

отправить _ II сов. что, уст. (исполнить, осуществить) кютмек, тамам этмек.

отправиться _ сов. гетмек, бармакъ, ёлгъа тюшмек; отправиться спать юхлама гетмек; отправиться в лес агъачлыкъгъа бармакъ; поезд отправится в два часа поезд сагьат экиде гетежек.

отправка _ ж. см. отправление I 1, 2; отправка телеграмм телеграмм йиберив.

отправление _ I с. 1. (по гл. отправить) йиберив; ёлгъа салыв; отправление груза юкню (малны) йиберив; 2. (по гл. отправиться) гетив, барыв, ёлгъа тюшюв; расписание отправления поездов поездлер гетеген заманланы расписаниясы; 3. (почтовое) почта булан йиберилген зат; заказное отправление заказной йиберилген зат.

отправление _ II с. см. отправления.

отправления _ мн. (ед. отправление с.) (деятельность, функция) ишлев, иш, функция; отправления организма къаркъараны ишлевю.

отправлять _ I, II несов. см. отправить I, II.

отправляться _ несов. 1. см. отправиться; 2. от чего (исходить) таянмакъ, кюрчюге алмакъ, кюрчюленмек; отправляться от проверенных данных тергелген маълуматлагъа кюрчюленмек.

отправной _ прил. 1. оьзюнден йиберилеген, йибереген; ёлгъа салынагъан, ёлгъа тюшеген; отправной пункт оьзюнден йиберилеген пункт; 2. (исходный) оьзюне кюрчюленеген, таянагъан; отправная точка зрения оьзюне кюрчюленеген къарав (далил).

отпраздновать _ сов. 1. что байрам этмек, шатлыкъ этмек; 2. разг. (закончить праздновать) байрам этип битмек, шатлыкъ этип битмек.

отпрашиваться _ несов., отпроситься сов. изну алып гетмек, изну алмакъ; отпроситься домой уьйге бармагъа изну алмакъ.

отпрыгнуть _ сов. 1. атылып ари таймакъ; отпрыгнуть от змеи йыландан атылып ари таймакъ; 2. разг. (отлететь в сторону) къакълыкъмакъ; мяч отпрыгнул от стены топ тамдан къакълыкъды.

отпрыск _ м. 1. (молодой побег растения) яш, оьсюп гелеген оьрюм; 2. перен. уст. (потомок) наслу.

отпрягать(ся) _ несов. см. отпрячь(-ся).

отпрянуть _ сов. къакълыкъмакъ, атылып ари таймакъ, ари селпинмек; он в ужасе отпрянул от окна ол бек къоркъуп терезеден ари селпинди.

отпрячь _ сов. кого-что тувармакъ; отпрячь лошадей атланы тувармакъ.

отпрячься _ сов. туварылмакъ.

отпугивать _ несов., отпугнуть сов. кого 1. (отогнать испугав) уьркютмек, къоркъутмакъ, сесгендирмек; 2. (оттолкнуть от себя) оьзюнден кюсдюрмек, къачыртмакъ; отпугнуть всех своей резкостью оьзюню зеклиги булан халкъны оьзюнден кюсдюрмек.

отпуск _ м. 1. (освобождение от работы) отпуск, отпуска; очередной отпуск гезикли отпуска; отпуск по беременности и родам айлы болмакъ ва яш тапмакъгъа гёре отпуска; предоставить отпуск отпуска бермек; 2. (выдача) берив; сатып берив; отпуск товаров мал берив.

отпускать _ несов. см. отпустить.

отпускник _ м. отпускадагъы адам, отпускагъа чыкъгъан адам.

отпускной _ прил. 1. отпусканы, отпуска…; отпускные деньги отпуска акъча; 2. эк. сатылагъан; отпускные цены на товары малланы сатылагъан багьалары.

отпустить _ сов. 1. кого (разрешить уйти, выпустить) йибермек, гетмеге изну бермек; азат этмек; отпустить на прогулку геземеге йибермек; 2. что (выпустить из рук) йибермек, къолдан йибермек; 3. что (ослабить) бош этмек; отпустить пояс белбавун бош этмек; 4. что (продать) сатып бермек, сатмакъ; 5. что (выдать) бермек; отпустить деньги на строительство къурулуш учун акъча бермек; 6. разг. (о боли) тынчаймакъ, солкъ болмакъ; боль отпустила её ону авуртагьаны солкъ болду, ону авуртагъаны тынчайды; 7. что (волосы и т. п.) йибермек, оьсдюрмек, къоймакъ; он отпустил бородку о сакъал къойгъан; 8. что (отточить) итти этмек, билемек; отпустить саблю къылычны итти этмек; 9. что, тех. бираз бош этмек, къаттылыгъын аз этмек; отпустить сталь болатны бираз бош этмек (болатны къыздырмакъ ёлу булан).

отрабатывать _ несов. см. отработать 1, 4.

отработанный _ прил. (использованный) пайдалангъан; отработанный воздух пайдалангъан гьава.

отработать _ сов. 1. что и без доп. (возместить работой) ишлеп тёлемек; 2. (проработать) ишлемек (белгили заманны ичинде); 3. разг. (закончить работать) ишни битдирмек; 4. что, разг. (окончательно отделать) ишлеп битдирмек, ишлеп битмек.

отработка _ ж. 1. (возмещение работой) ишлеп тёлев; 2. (отделка) ишлеп битдирив, ишлеп битив; 3. мн. отработки ист. помещикге, ер есине ишлев (крепостной ихтияр тайгъандан сонг, пайдаланагъан ерлери саялы сабанчыланы ер есилеге ишлевю).

отрава _ ж. 1. агъу, загьру, ув; 2. перен. ув йимик яман тиеген, къыйынлыкъ береген; кепин бузагъан, зарал береген.

отравить _ сов. 1. кого-что агъуламакъ; ув берип оьлтюрмек; загьрулап аврутмакъ (вызвать болезненные явления); 2. что (сделать ядовитым) ув къошмакъ; отравить воду сувгъа ув къошмакъ; 3. кого-что, перен. (вредно повлиять) зараллы таъсир этмек; 4. кого-что, перен. (испортить) кепин бузмакъ, юрегин ярмакъ, чыдап болмасдай къыйынлы этмек.

отравиться _ сов. агъуланмакъ; ув ичип оьлмек; агъулу (яда зараллы) ашдан аврумакъ (заболеть, отравившись).

отравление _ с. 1. (по гл. отравить) агъулав; ув ичирип оьлтюрюв; загьрулап аврутув; 2. (по гл. отравиться) агъуланыв; ув ичип оьлюв; агъулу (яда зараллы) ашдан аврув.

отравлять(ся) _ несов. см. отравить(ся).

отравляющий _ прил.: отравляющие вещества хим. агъулайгъан затлар, загьрулайгъан затлар, загьрулу затлар.

отрада _ ж. къуванч, сююнч, шатлыкъ, юреги ял табыв.

отрадный _ прил. гёнгюн ачагъан, сююнчлю, къуванчлы, ял тапдырагъан.

отражать(ся) _ несов. см. отразить(ся).

отражение _ с. 1. (удара, нападения) гери урув, гери къайтарыв, къайтарып урув; 2. (напр. нападок) гери урув, къаршы жавап берив; 3. (изображение) гёрюнюш, сурат; увидеть своё отражение в зеркале гюзгюде оьзюню суратын гёрмек.

отразить _ сов. 1. кого-что (отбить, отогнать) гери урмакъ, гери къайтармакъ, къайтарып урмакъ; отразить атаку чапгъынны гери урув; 2. что, перен. (напр. нападки) гери урмакъ, къаршы жавап бермек; 3. кого-что (показать) суратламакъ, гёрсетмек; правильно отразить эпоху девюрню тюз суратламакъ; 4. что (воспроизвести изображение) суратын бермек, сураты тюшмек, сураты гёрюнмек; вода отразила его лицо сувда ону бетини сураты гёрюндю.

отразиться _ сов. 1. (в зеркале и т. п.) гёрюнмек, суратланмакъ; 2. на ком-чём (сказаться) асар этмек, таъсир этмек; отдых хорошо отразился на его здоровье ял алыв ону савлугъуна яхшы таъсир этди.

отрапортовать _ сов. что рапорт бермек, хабар бермек (асгер къуллукъда).

отрасль _ ж. тармакъ; отрасли народного хозяйства халкъ хозяйствосуну тармакълары.

отрастать _ несов., отрасти сов. узун болуп къалмакъ, оьсмек; волосы отросли после стрижки къыркъгъандан сонг тюклер оьсген.

отрастить _ сов., отращивать несов. что оьсдюрмек; отрастить усы мыйыкъларын оьсдюрмек.

отредактировать _ сов. что редактировать этип битмек, редактировать этмек; отредактировать статью статьяны (макъаланы) редактировать этмек.

отрез _ м. (кусок ткани) гесек къумач, гийимлик къумач.

отрезать _ сов., отрезать несов. 1. что (часть чего-л.) гесип алмакъ; отрезать кусок хлеба гесип бир гесек экмек алмакъ; 2. кого-что (лишить возможности связи) гесмек; къыркъмакъ; 3. что кому-чему (преградить) ёл къыркъмакъ; отрезать путь к отступлению артгъа тартылывну ёлун къыркъмакъ; 4. что и без доп., разг. (резко ответить) сёзюн гесип жавап бермек.

отрезветь _ сов. 1. айыкъмакъ (эсиргенликден); 2. перен. эс тапмакъ, айыкъмакъ (бош ойлардан).

отрезвить _ сов. кого 1. айыкъдырмакъ (эсиргенликден); 2. перен. (вернуть к реальности) эс тапдырмакъ, айыкъдырмакъ.

отрезвиться _ сов. см. отрезветь.

отрезвление _ с. 1. (по гл. отрезветь) айыкъдырыв (эсиргенликден); перен. эс тапдырыв; 2. (по гл. отрезвиться) айыгъыв (эсиргенликден); перен. эс табыв.

отрезвлять(ся) _ несов. см. отрезвить(ся).

отрезок _ м. в разн. знач. гесек, пай; отрезок ткани гесек къумач; отрезок времени гесек заман; отрезок пути ёлну бир пайы.

отрекаться _ несов. см. отречься.

отрекомендовать _ сов. кого-что, разг. уст. (охарактеризовать) биревню яхшы якъдан танытмакъ, яхшы гёрсетмек.

отрекомендоваться _ сов. оьзюню атын айтмакъ, оьзю булан таныш этмек.

отрекомендовывать(ся) _ несов. см. отрекомендовать(ся).

отремонтировать _ сов. что ремонт этмек, ярашдырмакъ; отремонтировать крышу къалкъыны ярашдырмакъ.

отрепье _ с. собир. эсги-пусгъу; тозулгъан, йыртылгъан гийим.

отречение _ с. 1. (от чего-л.) мюкюр болмамакъ, отказ этив, инкар этив; 2. (от кого-л.) арт берив, ташлав; 3. (документ) эл чегив документи (кёбюсю гьалда, пача тахдан тюшмекни гьакъында).

отречься _ сов. 1. от чего (отказаться) мюкюр болмамакъ, отказ этмек, инкар этмек; отречься от своих слов оьзюню сёзлерин инкар этмек; 2. от кого (объявить чужим) арт бермек, ташламакъ; отречься от сына уланына арт бермек; ◊ отречься от престола тахындан эл чекмек.

отрешаться _ несов., отрешиться сов. гери урмакъ, таймакъ, отказ этмек.

отрицание _ с. 1. (действие) инкар этив, гери урув; 2. грам. ёкълукъ, инкарлыкъ.

отрицательный _ прил. 1. инкар этеген, гери урагъан, къабул гёрмейген; отрицательный ответ гери урагъан жавап; 2. (дурной, плохой) яман, пис; отрицательное явление яман гьал; 3. грам. ёкълукъ, инкарлыкъ.

отрицать _ сов. 1. что, с союзом «что» и без доп. (опровергать) инкар этмек, гери урмакъ; отрицать существование ущелья къакъаны барлыгъын инкар этмек; 2. что (отвергать) мюкюр болмамакъ, инкар этмек; отрицать своё участие в чём-л. бир ишде оьзюню ортакъчылыгъын инкар этмек.

отрог _ м. бутакъ (тавланы аслу тагъымындан айрылагъан бутакъ); отроги Кавказа Кавказ тавланы бутакълары.

отроду _ нареч. разг. (никогда в жизни) оьмюрюнде де, гьеч бир заманда да.

отродье _ с. жынс, тухум.

отрок _ м. уст. етишип гелеген улан яш, оьрюм яш.

отросток _ м. 1. (побег растения) бутакъ, яш бутакъ; 2. (ответвление) бутакъ.

отрочество _ с. яшланы етишип гелеген заманы, оьрюм заманы.

отрубать _ несов. см. отрубить.

отруби _ только мн. гебек.

отрубить _ сов. что гесмек, чабып гесмек, къыркъмакъ.

отрыв _ м. айрылыв; ◊ учиться без отрыва от производства ишден айрылмагъан кюйде охумакъ, ишин ташламагъан кюйде охумакъ.

отрывать _ I несов. см. отрыть.

отрывать _ II несов. см. оторвать.

отрываться _ несов. см. оторваться; ◊ не отрываясь айрылмай, токътавсуз.

отрывистый _ прил. уьзюлюп-уьзюлюп чыгъагъан, къыркъылып-къыркъылып чыгъагъан (тавуш, сес, сёйлев).

отрывной _ прил. уьзюлюп, йыртылып айрылагъан; отрывной календарь ипыракълары айрылагъан календарь.

отрывок _ м. гесек; отрывок из романа романдан гесек.

отрывочный _ прил. толу тюгюл, арасында байлаву ёкъ; отрывочные сведения арасында байлаву ёкъ маълуматлар.

отрыгивать _ несов., отрыгнуть сов. кекирмек; къусуп чыгъармакъ.

отрыжка _ ж. кекирив; къусуп чыгъарыв.

отрыть _ сов. кого-что къазып чыгъармакъ, къазып бир янгъа ташламакъ.

отряд _ м. в разн. знач. отряд, бёлюк; пионерский отряд пионер отряд; партизанский отряд партизан бёлюк; коммунистическая партия — передовой отряд рабочего класса коммунист партия — ишчи классны ал бёлюгю.

отряхивать(ся) _ несов. см. отряхнуть(ся).

отряхнуть _ сов. что силкмек, къакъмакъ; силкип, къагъып тазаламакъ.

отряхнуться _ сов. силкинмек, силкип къагъынмакъ, къагъып уьстюнден тайдырмакъ, силкинип тазаланмакъ (чангдан, насдан).

отсадить _ сов. 1. кого (заставить сесть отдельно) айры олтуртмакъ, чыгъарып олтуртмакъ; отсадить на первую парту биринчи партагьа чыгъарып олтуртмакъ; 2. что (посадить отдельно) айры орнатмакъ, башгъа ерге орнатмакъ; отсадить молодые яблони яш алма тереклени айры орнатмакъ.

отсвет _ м. ярыкъны йыртыллавугъу, бир затгъа тюшген шавла; отсвет луны айдан тюшген шавла.

отсвечивать _ несов. йыртылламакъ, шавла бермек.

отсев _ м. 1. (по гл. отсеять) элеп айырыв, элеп тайдырыв; элеп тазалав; перен. айырыв, тайдырыв; 2. (по гл. отсеяться) эленив, эленип айрылыв; эленип тазаланыв; перен. айрылыв, арадан тайыв; 3. (отсеянное) элегенде чыкгъан зат, эленип тайгъаны; 4. перен. арадан тайгъанлар.

отсевать _ несов. см. отсеять 1.

отсеиваться _ несов. см. отсеяться 1, 2.

отсекать _ несов. см. отсечь.

отсесть _ сов. ари тайып олтурмакъ.

отсечение _ с.: дам голову на отсечение башымны гесме къояман.

отсечь _ сов. что 1. (отрубить) гесип ташламакъ, къыркъып ташламакъ, уруп гесмек; 2. перен. (устранить) тайдырмакъ, гери урмакъ, къыркъмакъ.

отсеять _ сов. 1. что (отделить, просеяв) элеп айырмакъ, элеп тайдырмакъ; элеп тазаламакъ; 2. кого-что, перен. (удалить путём отбора) айырмакъ, айырып тайдырмакъ; 3. что и без доп., разг. (закончить сеять) чачып битмек, чачывну битдирмек.

отсеяться _ сов. 1. (отделиться при просеивании) эленмек, эленип айрылмакъ; эленип тазаланмакъ; 2. перен. (выбыть из состава) ортакъ ишден айрылмакъ, арадан таймакъ; неуспевающие студенты отсеялись охувда артда къалагъан студентлер арадан тайдылар; 3. разг. (окончить сев) чачып битмек, чачывну битдирмек.

отсидеть _ сов., отсиживать несов. 1. что уютмакъ (онгсуз олтуруп); отсидеть ногу бутун уютмакъ; 2. разг. (просидеть некоторое время) бир къадар олтуруп чыкъмакъ; оьзюгер тюшген чакъы заман бир ерде болмакъ; 3. (отбыть наказание) туснакъда туруп чыкъмакъ, такъсырын кютюп чыкъмакъ.

отскабливать _ несов. см. отскоблить.

отскакивать _ несов. см. отскочить.

отскоблить _ сов. что къырып тайдырмакъ; отскоблить грязь с сапог этиклерден балчыкъны къырып тайдырмакъ.

отскочить _ сов. 1. (скачком удалиться) атылып бир янгъа таймакъ, атылып бир янгъа чыкъмакъ; 2. (ударившись, отлететь) къакълыкъмакъ (урунуп); мяч отскочил от стены топ тамдан къакълыкъды; 3. разг. (отделиться, оторваться) гесилип, уьзюлюп тюшмек, айрылмакъ; наклейка отскочила уьстюне ябушдурулгъан кагъыз айрылгъан.

отскребать _ несов., отскрести сов. что къырып тайдырмакъ.

отслоение _ с. къат-къат болуп айрылыв; айрылгъан къат, чёкген къат.

отслоиться _ сов. къат-къат болуп айрылмакъ, къат-къат болуп чёкмек.

отслужить _ сов. 1. (прослужить некоторое время) къуллукъ этип битмек, къуллукъ этип битип гелмек, белгили болжалны ичинде къуллукъ этмек; отслужить два года на Севере эки йыл Темиркъазыкъ якъда къуллукъ этмек; отслужить в армии асгерде къуллукъ этип битип гелмек; 2. (износиться) дёнмек, тозулмакъ; пальто отслужило пальто дёнген.

отсоветовать _ сов. с неопр. ой берип пикрусундан, хыялындан къайтармакъ, гьёкюндюрмёк; тийишли гёрмемек, маслагьат гёрмемек; мне отсоветовали ехать ой берип мени бармакъ пикрумдан къайтардылар.

отсортировать _ сов., отсортировывать несов. что сорт-сорт этмек, сортлагъа айырмакъ, тайпа-тайпа этмек, жура-жура этип сайламакъ.

отсохнуть _ сов. прям., перен. къурумакъ, къуруп тюшмек; ветка отсохла бутакъ къуругъан; рука отсохла къолу къуругъан.

отсрочивать _ несов., отсрочить сов. что болжалын узатмакъ, болжалын артгъа салмакъ, мюгьлет бермек; отсрочить окончание работы ишни битдирмек болжалын артгъа салмакъ; отсрочить паспорт паспортну болжалын узатмакъ.

отсрочка _ ж. узатылгъан болжал, болжалын узатыв, болжалын артгъа салыв, мюгьлет берив; дать отсрочку болжалын артгъа салмагъа изну бермек.

отставание _ с. артда къалыв.

отставать _ несов. см. отстать.

отставить _ сов. 1. что (отодвинуть) бир янгъа тайдырмакъ, тебермек, тайышдырмакъ, йылышдырмакъ; отставить стол от стены столну тамдан бир янгъа тайдырмакъ; 2. кого, уст. (уволить) тайдырмакъ, чыгъармакъ; отставить от должности къуллукъдан тайдырмакъ; ◊ отставить! (команда) къайтарып этмек!

отставка _ ж. отставка (къуллукъдан даимге тайыв); ◊ выйти в отставку отставкагъа чыгъыв; дать отставку кому-л. ирон. биревге отставка бермек, биревню ташламакъ.

отставлять _ несов. см. отставить.

отставной _ прил. отставкагъа чыкъгъан, къуллукъну къойгъан (даимге); отставной офицер отставкагъа чыкъгъан офицер.

отстаивать _ I, II несов. см. отстоять I, II.

отсталость _ ж. артда къалгъанлыкъ.

отсталый _ прил. артда къалгъан.

отстать _ сов. 1. в разн. знач. артда къалмакъ; отстать от спутников сапар ёлдашларындан артда къалмакъ; этот ученик отстал шу охувчу артда къалгъан; часы отстали сагьат артда къалгъан; 2. от чего, разг. (опоздать) гечикмек; отстать от поезда поездге гечикмек; 3. (отделиться) айрылмакъ, айрылып тюшмек, айрылып таймакъ; 4. разг. (перестать надоедать) инжитегенин, къырсаягъанын къоймакъ; арчылмакъ; отстань от меня! арчыл менден!

отстающий _ прил. и в знач. сущ. м. артда къалагъан; осал.

отстёгивать(ся) _ несов. см. отстегнуть(ся).

отстегнуть _ сов. что чечмек; ачмакъ; алмакъ; отстегнуть пуговицы пентлерин алмакъ; отстегнуть ремень белбавун чечмек; отстегнуть воротник ягъасын ачмакъ.

отстегнуться _ сов. чечилмек; алынмакъ, алынып къалмакъ, тутмайгъан болмакъ; крючок отстегнулся къармакъ алынып къалгъан.

отстирать _ сов., отстирывать несов. что жувуп таза этмек; жувуп тайдырмакъ; отстирать скатерть скатертни жувуп таза этмек.

отстоять _ I сов. 1. кого-что (защитить, сохранить) якъламакъ, сакъламакъ, къорумакъ; отстоять город шагьарны сакъламакъ (душмандан); отстоять своего друга оьзюню къурдашын якъламакъ; отстоять свои права оьзюню ихтиярларын къорумакъ; 2. что (добиться признания) къабул этдирмек, мюкюрлюк этдирмек; отстоять свою точку зрения оьзюню пикрусун къабул этдирмек.

отстоять _ II сов. что и без доп. (простоять) аякъ уьстде турмакъ; аякъ уьстде туруп арытмакъ, талдырмакъ; отстоять два часа на ногах эки сагьат аякъ уьстде турмакъ.

отстоять _ III несов. (находиться) бир ерден бир къадар мезгилде болмакъ; вокзал отстоит от центра города на три километра вокзал шагьарны ортасындан уьч километр мезгилде.

отстраивать(ся) _ несов. см. отстроить(ся).

отстранение _ с. 1. (увольнение) тайдырыв, чыгъарыв; отстранение от должности къуллукъдан тайдырыв; 2. (напр. от забот, дела и т. п.) башын къачырыв, оьзюн къутултув, узакълашыв.

отстранить _ сов. 1. кого-что (отодвинуть) ари тебермек, тайдырмакъ; 2. кого (уволить) тайдырмакъ, чыгъармакъ; отстранить от работы ишден тайдырмакъ.

отстраниться _ сов. 1. (отодвинуться) тайышмакъ, йылышып таймакъ, ари таймакъ; 2. (уклониться, отказаться) башын къачырмакъ, оьзюн къутултмакъ, узакълашмакъ; отстраниться от всех хлопот бары да аварадан оьзюню башын къачырмакъ.

отстранять(ся) _ несов. см. отстранить(ся).

отстреливаться _ несов., отстреляться сов. (отбиться стрельбой) атышмакъ, атышып оьзюн къорумакъ.

отстроить _ сов. что 1. (закончить постройку) къуруп битмек; 2. (построить заново) янгыдан къурмакъ, ярашдырмакъ.

отстроиться _ сов. (закончить постройку для себя) оьзю учун къурагъан затын тамам этмек, къуруп битмек.

отступать(ся) _ несов. см. отступить(ся).

отступить _ сов. 1. (отойти назад) артгъа тартылмакъ, артгъа тюшмек, артгъа таймакъ; отступить на шаг бир абатгъа таймакъ; враг отступил душман артгъа тюшдю, душман къачды; 2. перен. (перед чем-л.) башын къачырмакъ; отступить перед трудностями къыйынлыкъдан башын къачырмакъ; 3. (изменить чему-л.) таймакъ, арт бермек; бузмакъ; отступить от своего мнения оьзюню пикрусундан таймакъ; отступить от правил къабул этилген къайдаланы бузмакъ; 4. (напр. при письме или печатании) арада ер къоймакъ, тайышмакъ.

отступиться _ сов. разг. 1. (отказаться) эл чекмек, арт бермек, къоймакъ; 2. (порвать связь с кем-либо) аралыгъын уьзмек, бет ташламакъ.

отступление _ с. 1. (войск) башын къачырыв (ябушувдан); 2. (от правил, мнения и т. п.) тайыв, арт берив; бузув.

отступник _ м. оьз ёлуна, башдагъы къаравларына арт берген адам.

отступя _ нареч. (на небольшом расстоянии) бираз арекде, бираз тайышып, артгъа тартылып.

отсутствие _ с. болмамакъ, табулмамакъ, ёкълукъ; ◊ в отсутствие ёкъ заманда.

отсутствовать _ несов. болмамакъ, табулмай чыкъмакъ; гелмей къалмакъ, ёкъ болмакъ; он вчера отсутствовал ол тюнегюн ёкъ эди; эти книги у нас отсутствуют шолай китаплар бизде ёкъ.

отсутствующие _ прил. и в знач. сущ. мн. ёкълар, ёкъ адамлар, гелмегенлер, гелмеген адамлар; отметить отсутствующих ёкъланы белгилемек.

отсчитать _ сов., отсчитывать несов. что санамакъ, санап айырмакъ; отсчитать пять шагов от дерева терекден тутуп беш абат ерни айырмакъ; отсчитать сто рублей санап юз манатны айырмакъ.

отсылать _ несов. см. отослать.

отсылка _ ж. 1. (напр. письма) йиберив; 2. (ссылка на источник) алынгъан ерин гёрсетив.

отсыпать _ сов., отсыпать несов. что, чего (высыпая отделить) тёгюп айырмакъ, тёгюп алмакъ; отсыпать стакан крупы бир стакан крупа тёгюп алмакъ; отсыпать муки из мешка дорбадан тёгюп ун айырмакъ.

отсыпаться _ несов. см. отоспаться.

отсыревать _ несов. см. отсыреть.

отсырелый _ прил. дым, бавукъ болгъан, базлагъан.

отсыреть _ сов. бавукъ болуп, дым болуп къалмакъ, дымлыкъ оьтмек, базламакъ.

отсыхать _ несов. см. отсохнуть.

отсюда _ нареч. 1. шундан, мундан, шу ерден; отсюда до реки недалеко шундан оьзенге йыракъ тюгюл; 2. (по этой причине) шо себепге гёре, шогъар гёре; отсюда можно заключить следующее шо себепге гёре шулай натижагъа гелме ярай.

оттаивать _ несов. см. оттаять.

отталкивать(ся) _ несов. см. оттолкнуть(ся).

отталкивающий _ прил. оьзюнден жиргендиреген, кюсдюреген, адамны юреги сюймейген; отталкивающий вид адамны юреги сюймейген гёрюнюш.

оттаскивать _ несов. см. оттащить.

оттачивать _ несов. см. отточить.

оттащить _ сов. кого-что сюйреп бир янгъа тайдырмакъ, гюч булан бир янгъа элтмек.

оттаять _ сов. иримек, бузлагъаны таймакъ, бузлагъаны бошамакъ, ирип тюшмек; земля оттаяла топуракъны бузлагъаны бошагъан (тайгъан).

оттенить _ сов. 1. что (наложить тень) ренкин къаралтмакъ, авур этмек, гёлентги салмакъ (суратда); 2. кого-что, перен. (выделить) ачыкъ билинеген этмек, гёзге тиеген, тергевню тартагъан этмек; оттенить свою основную мысль оьзюню аслу пикрусун ачыкъ билинеген этмек.

оттенок _ м. 1. (разновидность цвета) аз башгъалыкъ, аз айрылыкъ (бир ренкдеги гьаран билинеген авурлукь яда ачыкълыкъ); зелёный цвет разных оттенков тюрлю-тюрлю ренклердеги яшыл тюс; 2. перен. (разновидность чего-либо) ренк, башгъалыкъ, назиклик; оттенки значения слова сёзню маънасыны айры-айры ренклери.

оттенять _ несов. см. оттенить.

оттепель _ ж. йылы чакъ.

оттереть _ сов. 1. что (отчистить трением) ишып тайдырмакъ, ишып тазаламакъ; 2. кого, разг. (оттеснить) къысдырып тайдырмакъ, теберип тайдырмакъ; басылып артгъа тебермек; 3. кого-что (возвратить чувствительность) ишып, окъалап эсин гелтирмек, сав гьалына гелтирмек; гьис билеген этмек, жанландырмакъ; оттереть отмороженное ухо уьшюген къулакъны окъалап сав гьалына гелтирмек.

оттереться _ сов. (исчезнуть от трения) ишылып таймакъ.

оттеснить _ сов., оттеснять несов. 1. кого-что (отдалить) басып ари тебермек, басылып артгъа тебермек; къысдырып тайдырмакъ; толпа оттеснила меня халкъ басылып мени артгъа теберди; 2. кого, перен. (отстранить от чего-л.) тайдырмакъ, чыгъармакъ (башгъалагъа пуршав берегинлиги учун); 3. кого-что (заставить отступить) гери урмакъ, артгъа тартылтмакъ, къувмакъ; оттеснить противника душманны гери урмакъ.

оттирать(ся) _ несов. см. оттереть(-ся).

оттиск _ м. 1. (отпечаток) басманы белгиси, басылгъан белги, басманы дамгъасы; 2. полигр. оттиск; корректурный оттиск корректура оттиски.

оттого _ нареч. шогъар гёре, шону учун, шо саялы, шо себепден, шондан; он оттого и не пришёл ол шо саялы да гелмеди; я никуда не пошёл, оттого что устал мен ёрулгъаным саялы бир ерге де гетмедим.

оттолкнуть _ сов. кого-что 1. (от себя) теберип, тюртюп тайдырмакъ; 2. кого (внушить неприязнь) оьзюнден кюсдюрмек, жиргендирмек, гёнгюлсюз этмек, мурадындан, хыялындан къайтармакъ.

оттолкнуться _ сов. оьзюнден теберип, тюртюп тербенмек, гери уруп чыкъмакъ, таймакъ; оттолкнуться веслом от берега къалакъ булан тюртюп ягъадан тербенмек.

оттопыривать(ся) _ несов. см. оттопырить(ся).

оттопырить _ сов. что, разг.: оттопырить карман чюйре этмек, чююрмек, алгъа чыгъармакъ; оттопырить губы эринлерин чююрмек; оттопырить локти тирсеклерин алгъа чыгъармакъ.

оттопыриться _ сов. разг.: перья оттопырились тюклери гёпдю; уши оттопырились къулакълары турду.

отторгать _ несов., отторгнуть сов. кого-что чыгъарып алмакъ, гюч булан алмакъ, гюч булан айырмакъ; отторгнуть территорию территориясын гюч булан алмакъ.

отторжение _ с. чыгъарып алыв, гюч булан алыв, гюч булан айырыв.

отточить _ сов. что итти этмек, билемек; отточить косу чалгъыны билемек.

оттуда _ нареч. ондан, о ерден, о якъдан; я сам оттуда мен оьзюм шо якъданман.

оттягивание _ с. (замедление) артгъа тартыв, артгъа салыв, артгъа теберив, созув, узатыв; оттягивание времени отъезда гетеген заманны артгъа тартыв.

оттягивать _ несов. см. оттянуть.

оттяжка _ ж. артгъа тартыв, артгъа салыв, артгъа теберив, созув, узатыв; оттяжка во времени заманны артгъа теберив.

оттянуть _ сов. 1. кого-что (оттащить в сторону) бир янгъа сюйреп, тартып элтмек, башгъа янгъа онгармакъ, бираз артгъа тартмакъ; 2. что (перенести на более поздний срок) артгъа тартмакъ, артгъа салмакъ, артгъа тебермек, созмакъ, болжалын узатмакъ.

отужинать _ сов. 1. (закончить ужинать) ахшам аш ашап битмек; 2. уст. (поужинать) ахшам аш ашамакъ.

отупелый _ прил. разг. манг болгъан, башы ишлемейген болгъан, англавсуз болгъан.

отупение _ с. манг болув, башы ишлемейген болув, англавсуз болув; до отупения манг болгъунча.

отупеть _ сов. манг болмакъ, башы ишлемейген болмакъ, англавсуз болмакъ.

отутюжить _ сов. что итивлемек.

отучивать(ся) _ несов. см. отучить(-ся).

отучить _ сов. кого от чего или с неопр. къайтармакъ, унутдурмакъ, къойдурмакъ, ташлатмакъ (уьйренчикли болуп къалгъан затын); отучить курить тамакю тартагъанын ташлатмакъ.

отучиться _ сов. от чего или с неопр. уьйренчигин ташламакъ (къылыгъын, мердешин, билегенин).

отхватить _ сов. что, разг. (отрубить, отрезать) уьзюп, гесип, хабып алмакъ.

отхлебнуть _ сов., отхлёбывать несов. что, чего, разг. (отпить) уртламакъ, башындан ичип къарамакъ.

отхлестать _ сов. кого, разг. къамучуламакъ, тёбелемек.

отхлынуть _ сов. 1. гери акъмакъ, урунуп артын ерли акъмакъ; гери авланмакъ, къакълыкъмакъ; волны отхлынули от берега толкъунлар ягъагъа урунуп гери акъды; 2. перен. (отойти) урунуп, бирден артгъа талпынып гетмек; толпа отхлынула назад халкъ урунуп бирден артгъа талпынып гетди.

отход _ I м. 1. (отправление) гетив, ёлгъа тюшюв; 2. (отступление) артгъа тюшюв, артгъа тайыв; 3. перен. (отклонение) узакълашдырыв, тайышыв.

отход _ II м. см. отходы.

отходить _ I несов. см. отойти.

отходить _ II сов. кого, разг. (добиться выздоровления) аврувну сав этмек (къаравну гючю булан).

отходчивый _ прил. ачуву тез таягъан, ачув сакъламайгъан; отходчивый характер ачуву тез таягъан хасият.

отходы _ мн. (ед. отход м.) (отработанные материалы) отход, гесек-пусакъ, къалды-къулду.

отцвести _ сов., отцветать несов. 1. чечеги тёгюлюп битмек, чечеги тёгюлмек; яблони отцвели алмаланы чечеги тёгюлген; 2. перен. (поблёкнуть, постареть) яшлыгъын, бетини ренкин тас этмек, бадыраву таймакъ.

отцедить _ сов., отцеживать несов. что, чего (отлить) башындан сюзюп алмакъ, сюзюп айырмакъ.

отцепить _ сов. что 1. айырмакъ; отцепить вагон вагонну айырмакъ; 2. разг. (что-л. приставшее) айырып тайдырмакъ, алып тайдырмакъ, тюшюрмек; отцепить соломинку саламны алып тайдырмакъ.

отцепиться _ сов. 1. (отделиться) айрылмакъ; цепочка отцепилась шынжыр бав айрылгъан (тагъылгъан еринден); 2. перен. прост. (отстать) арчылмакъ, айрылмакъ, инжитмемек, къоймакъ; отцепись от меня! арчыл менден!

отцеплять(ся) _ несов. см. отцепить(ся).

отцовский _ прил. 1. (принадлежащий отцу) атаныки; атаны, атасыны; отцовский дом атасыны уью; 2. (присущий отцу) атаны; аталык; атагъа хас; отцовский долг атаны борчу.

отцовство _ с. аталыкъ, ата-балалыкъ.

отчаиваться _ несов. см. отчаяться.

отчаливать _ несов., отчалить сов. 1. что, мор. (отвязать) ягъадан ишырмакъ (гемени, къайыкъны); 2. (отплыть) ягъадан тербенмек, ёлгъа чыкъмакъ; пароход отчалил пароход ягъадан тербенди, пароход ёлгъа чыкъды.

отчасти _ нареч. бир яндан, бираз, аз-маз, аз буса да, савлайын тюгюл; отчасти он сам виноват бир яндан ол оьзю такъсырлы.

отчаяние _ с. кёп къайгъылы гьалдагъы умутсузлукъ, умут уьзгенлик; прийти в отчаяние умутсуз гьалгъа тюшмек.

отчаянно _ нареч. 1. (яростно) къатты кюйде, къазаплы кюйде; отчаянно сопротивляться къатты кюйде къаршы турмакъ; 2. разг. (очень) эпсиз, бек, оьтесиз, оьтесиз бек; я отчаянно устал мен оьтесиз бек талгъанман.

отчаянный _ прил. разг. 1. (безрассудно смелый) бек къоччакъ, артыкъ даражада таваккаллы; 2. (очень плохой) къоркъунчлу; оьтесиз яман, кёп пис; отчаянное положение оьтесиз яман гьал.

отчаяться _ сов. умут уьзмек, умутсуз болмакъ; умут уьзюп пашман болмакъ, къайгъырмакъ; къайгъырып къарсаламакъ; дертленмек.

отчего _ нареч. неге, не себепден, не саялы, не учун, неден; отчего он не пришёл? ол неге гелмеди?; не знаю, отчего он не пришёл билмеймен, ол неге гелмеди.

отчего-либо _ нареч. неден буса да, не буса да бир себепден.

отчего-нибудь _ нареч. неден буса да, не буса да бир себепден.

отчегo-то _ нареч. белгисиз себепге гёре, не буса да бир себепден.

отчеканивать _ несов., отчеканить сов. 1. что гесмек; отчеканить монету акъча гесмек; 2. что и без доп., перен. (сказать кратко, ясно) гесип, ачыкъ этип айтмакъ.

отчёркивать _ несов., отчеркнуть сов. что гьыз тартмакъ, гьыз тартып айырмакъ, гьыз тартып белгилемек; отчеркнуть примечания эсгиривлени гьыз тартып белгилемек; отчеркнуть интересное место къужурлу ерге гьыз тартмакъ.

отчерпнуть _ сов., отчерпывать несов. что, чего, разг. чомуп алмакъ, башындан алып тёкмек; отчерпнуть из ведра педиреден чомуп алмакъ.

отчество _ с. атасыны аты.

отчёт _ м. 1. (доклад) этген иши гьакъында доклад этив, гьисап берив; выступить с отчётом этген иши гьакъында арагъа чыгъып доклад этмек; 2. бухг. отчёт, гьисап; отчёт берив, гьисап берив; дать под отчёт сонг гьисап бермек шарт булан акъча бермек; взять под отчёт сонг гьисап бермек шарт булан акъча алмакъ; ◊ отдать себе отчёт в чём-л. бир затны англамакъ, бир затгъа тюшюнмек; не отдавать отчёта бир затны англамамакъ, бир затгъа тюшюнмемек.

отчётливый _ прил. 1. (чёткий, разборчивый) ачыкъ, аян, таза; отчётливые движения аян гьаракатлар; отчётливое произношение ачыкъ айтыв (сёзню); отчётливый почерк аян хат; 2. (хорошо видимый) яхшы гёрюнеген, аян гёрюнеген; отчётливые контуры гор тавланы ачыкъ гёрюнеген къаралдылары.

отчётно-выборный _ прил. отчёт этив-сайлав…, гьисап берив-сайлав…; отчётно-выборное собрание отчёт этив-сайлав жыйын.

отчётность _ ж. отчётность, гьисап бермеклик (этилген харж саялы белгили формада берилеген гьисап); проверить отчётность отчётностну тергемек; денежная отчётность акъчаны отчётносту.

отчётный _ прил. отчёт этив…, гьисап берив…; отчётный доклад отчёт этив доклады.

отчизна _ ж. ватан.

отчий _ прил. поэт., уст. ата…, ата-ананы, ата-ананыки; отчий дом ата-ананы уью, ата уьй.

отчим _ м. оьгей ата.

отчисление _ с. 1. (денег) акъчаны уьстюнден бир къадарны айырып бир затгъа берив, отчисление этив; 2. (увольнение) чыгъарыв, тайдырыв; 3. чаще мн. отчисления (отчисленная сумма) айрылгъан сумма, айрылгъан акъча, отчисление.

отчислить _ сов. 1. что (вычесть) акъчаны уьстюнден бир къадарны айырып бир затгъа бермек, отчисление этмек, айырып тайдырмакъ; 2. кого (исключить, уволить) чыгъармакъ, тайдырмакъ.

отчислиться _ сов. чыкъмакъ, таймакъ.

отчислять(ся) _ несов. см. отчислить(ся).

отчистить _ сов. что 1. (чистя удалить) тазалап тайдырмакъ; 2. (удалить грязь) яхшы кюйде, тындарыкълы тазаламакъ.

отчиститься _ сов. разг. тазаланып таймакъ; тазаланмакъ.

отчитать _ сов. кого, разг. (сделать выговор) къатты айып этип урушуп алмакъ, сёз тийдирмек.

отчитаться _ сов. гьисап бермек; отчитаться перед избирателями сайлавчуланы алдында гьисап бермек.

отчитывать(ся) _ несов. см. отчитать(ся).

отчищать(ся) _ несов. см. отчистить(ся).

отчуждать _ несов. 1. кого (отдалять) ят этмек, къатнамайгъан этмек, арек салмакъ; 2. что, юр. чыгъарып алмакъ, конфисковать этмек (пачалыкъгъа яда жамият къурумлагъа бермек учун биревню мюлкюн, малын).

отчуждение _ с. 1. (отдаление) ят болув, къатнамайгъан болув, арек тюшюв; сувумакълыкъ; 2. (конфискация) чыгъарып алыв, конфисковать этив (пачалыкъгъа яда жамият къурумлагъа бермек учун биревню мюлкюн, малын); отчуждение имущества малын конфисковать этив.

отчуждённость _ ж. ят болуп, къатнашмайгъан болуп къалгъанлыкъ, сувумакълыкъ; отчуждённость в отношениях аралыгъы сувумакълыкъ.

отчуждённый _ прил. 1. (чуждающийся других) башгъалагъа оьзюн ят тутагъан, мююшбаш; 2. юр. къолундан алынгъан, конфисковать этилген; отчуждённое имущество конфисковать этилген мал.

отшатнуться _ сов. 1. (отклониться от кого-чего-л.) къакълыгъып таймакъ; 2. перен. разг. (прекратить общение с кем-л.) ювукълугъун ташламакъ, айрылмакъ.

отшвыривать _ несов., отшвырнуть сов. кого-что, разг. алып ташламакъ, пырхап йибермек.

отшельник _ м. 1. уст. (пустынник) дюньяны къоюп, динге къуллукъ этеген монах, дербиш, супу; 2. (человек, живущий в уединении) жамиятдан айры яшайгъан, халкъдан къачагъан адам.

отшибать _ несов., отшибить сов. что 1. прост. (отбить) уруп сындырмакъ; 2. разг. (повредить ударом) уруп аврутмакъ, авуртмакъ; я отшиб себе руку мен къолумну авуртгъанман; 3. разг. (лишить чего-л.): у него память отшибло ону эси тайгъан.

отшлифовать _ сов., отшлифовывать несов. что 1. ишып тегишлемек, ишып йыртыллатмакъ (ташны, агъачны); 2. перен. (язык, стиль) яхшылашдырмакъ, арив этмек.

отшпиливать _ несов., отшпилить сов. что, разг. айырмакъ, чыгъармакъ, айырып алмакъ, чыгъарып тайдырмакъ; отшпилить бант тийрелген бантны айырып алмакъ.

отшутиться _ сов., отшучиваться несов. разг. масхара булан къутулмакъ, масхара жавап берип къоймакъ.

отщепенец _ м. презр. жамиятдан айрылгъан, оьзюне жамият арт берген адам, эл булан яв адам.

отщипнуть _ сов., отщипывать несов. что, разг. уьзюп алмакъ, юлкъуп алмакъ; отщипнуть кусочек хлеба гиччи гесек экмекни уьзюп алмакъ.

отъезд _ м. гетив, ёлгъа тюшюв, ёлгъа чыгъыв (бир затгъа минип); в день отъезда ёлгъа чыгъагъан гюн.

отъезжать _ несов. см. отъехать.

отъезжающий _ прил. и в знач. сущ. м. гетеген, ёлгъа чыгъагъан (адам).

отъехать _ сов. узакълашмакъ, ари чыкъмакъ (бир затгъа минип); отъехать на несколько километров от города шагьардан бир нече километр узакълашмакъ.

отъявленный _ прил. ашгере, беп-белгили, онгмажакъ, тюзелмежек, айтылгъан (яманлыкъгъа); отъявленный негодяй айтылгъан пис адам.

отыграть _ сов. 1. что (вернуть проигранное) ойнап къайтармакъ (утдургъанын); 2. что и без доп., разг. (закончить играть) оюн ойнап битмек.

отыграться _ сов. 1. см. отыграть 1; 2. перен. разг. (ловко вывернуться) жуликлик булан, гьиллалыкъ булан къыйынлыкъдан къутулмакъ.

отыгрывать(ся) _ несов. см. отыграть(ся).

отыгрыш _ м. разг. 1. (действие) ойнап утдургъанын къайтарыв; 2. (отыгранное) утуп къайтарылгъан зат (яда акъча).

отыскать _ сов. кого-что излеп тапмакъ.

отыскаться _ сов. изленип табылмакъ.

отыскивать(ся) _ несов. см. отыскать(ся).

отяготить _ сов., отягощать несов. 1. что авурлукъ салмакъ, авур этмек, авурлашдырмакъ; 2. кого-что, перен. (обременить) авурлукъ салмакъ, авур этмек, авурлашдырмакъ, четимлешдирмек, къыйынлы этмек; это поручение его не отяготит шу тапшурув огъар авурлукъ салмас.

отягчать _ несов., отягчить сов. 1. что (отяготить) авур этмек, авурлашдырмакъ, авурлукъ салмакъ; 2. (усугубить) къыйынлыкъ салмакъ, къыйынлашдырмакъ, авурлашдырмакъ, четимлешдирмек; отягчить свою вину оьзюню айыбын авурлашдырмакъ.

офицер _ м. офицер.

офицерский _ прил. офицерлик; офицер…, офицерни; офицерское звание офицерлик ат.

офицерство _ с. 1. собир. (офицеры) офицерлер; 2. (звание офицера) офицер ат, офицер даража, офицер чин.

официально _ нареч. официально, официальный кюйде; заявить официально официально билдирмек.

официальный _ прил. 1. официальный; официальное приглашение официальный чакъырыв, къайдасы булан чакъырыв; официальный документ официальный документ, пачалыкъ документ; 2. перен. (сухой, сдержанный) сувукъ, сувукъ-салкъын; официальный тон сувукъ тавуш.

официант _ м. официант (ашханада столгъа аш береген адам).

официантка _ ж. официантка (ашханада столгъа аш береген къатын гиши).

официоз _ м. официоз (капиталист уьлкелерде гьукуматны ёлун тутгъан басма орган, газет).

официозный _ прил. официоз… (капиталист уьлкелерде гьукуматны къаравун тутгъан, ёлун яшавгъа чыгъарагъан).

оформить _ сов. 1. что (придать законченный вид) тыш гёрюнюшюн белгили кюйде тизмек, къайдагъа салмакъ, онгармакъ; оформить стенгазету там газетни онгармакъ; 2. кого-что (придать законную силу) герти этмек, бек этмек, мекенли этмек; онгармакъ, тизмек, этмек; оформить договор договорну тизмек, договорну онгармакъ; оформить кого-л. на работу биревню ишге салып мекенли этмек.

оформиться _ сов. 1. (принять законченную форму) белгили кепге, кюйге тюшюп токъташмакъ; 2. (зачислиться куда-л.) мекенли болмакъ; оформиться на работу ишге тюшюп мекенли болмакъ.

оформление _ с. 1. (по гл. оформить) тыш гёрюнюшюн белгили кюйге тизив, къайдагъа салыв, онгарыв (напр. рукописи); герти этив, закон ёлу булан этив, мекенли болув (напр. документа); 2. (по гл. оформиться) белгили кепге, кюйге тюшюп токъташыв; мекенли болув; 3. (внешний вид, форма) гёрюнюшю, келпети; праздничное оформление байрам гёрюнюшю.

оформлять(ся) _ несов. см. оформить(ся).

ох _ межд. огь, агь, ай, вай; ох, как больно! огь, не бек авурта!; ох, как нехорошо! огь, не ямандыр дагъы!

охапка _ ж. бир къучакъ; охапка дров бир къучакъ агъач; ◊ в охапку къучагъына (алып).

охарактеризовать _ сов. кого-что хасиятын гёрсетмек, хасиятын белгилемек, келпетин белгилемек.

охать _ несов. разг. агь урмакъ, агь-вай этмек.

охват _ м. 1. (напр. соцсоревнованием) къуршав; 2. см. обхват.

охватить _ сов., охватывать несов. 1. кого-что (обхватить) къучакъламакъ, къучакъгъа алмакъ; 2. кого (объять, завладеть) къуршап алмакъ, къуршамакъ; 3. кого, разг. (включить) къуршамакъ, тартмакъ; охватить учащихся общественной работой охувчуланы жамиятлыкъ ишге тартмакъ.

охладевать _ несов., охладеть сов. 1. уст. (остыть) сувумакъ, сувуп къалмакъ; 2. к кому-чему, перен. (стать равнодушным) гёнгюлсюз болуп къалмакъ, гёнгю таймакъ; он охладел к нему ону гёнгю тайгъан ондан.

охладить _ сов. 1. что (остудить) сувутмакъ, сувукълашдырмакъ; 2. кого-что, перен. (умерить силу чувств) гёнгюлсюз этип къоймакъ, гёнгюн чыгъармакъ, гёнгюн тайдырмакъ.

охладиться _ сов. (остыть) сувумакъ, сувукълашмакъ, салкъынлашмакъ.

охлаждать(ся) _ несов. см. охладить(ся).

охлаждение _ с. 1. (по гл. охладить) сувутув, сувукълашдырыв; 2. (по гл. охладиться) сувукълашыв, салкъынлашыв; 3. перен. (полное равнодушие) гёнгюлсюзлюк, гёнгю тайгъанлыкъ, гёнгю чыкъгъанлыкъ.

охмелеть _ сов. разг. эсирмек, кеп болмакъ, хумар болмакъ.

охнуть _ сов. и однокр., разг. см. охать.

охота _ I ж. ав (гьав), ав (гьав) этив, авчулукъ (гьавчулукъ), охот; идти на охоту авгъа бармакъ; заниматься охотой авчулукъ этмек, авчулукъ булан машгъул болмакъ.

охота _ II ж. (желание) гёнгюл, гьавас, къаст этив амракълыкъ; ◊ охота ему! разг. огъар не тарыкъдыр!, не гьажатдыр!

охотиться _ несов. 1. на кого ав (гьав) этмек, охот этмек, авда (гьавда) болмакъ, охотда болмакъ; 2. за кем, перен. (стремиться поймать) биревню артындан чапмакъ, тутмакъ; 3. за чем, перен. разг. бир затны артына тюшмек, алмагъа къаст этмек; он давно охотится за этой книгой ол кёпден берли шо китапны артындан тюшген.

охотник _ I м. авчу (гьавчу), охотник.

охотник _ II м. (любитель) гьаваслы, бир затгъа амракълыгъы бар, бир затдан кеп алагъан; охотник до книг китаплагъа гьаваслы.

охотничий _ прил. авчу (гьавчу)…; охот…; авчулукъ (гьавчулукъ); охотничье ружьё авчу (гьавчу) тюбек, охот тюбек; охотничьи организации авчулукъ (гьавчулукъ) къурумлар.

охотно _ нареч. гьавасы, гёнгю булан, гёнгюллю гьалда, кёп сююп, сюе туруп.

охра _ ж. охра (сари яда къызыл тюсдеги минерал бояв).

охрана _ ж. 1. (действие) сакълав, къорув; охрана лесов агъачлыкъланы къорув; охрана государственной безопасности пачалыкъны къоркъунчсузлугъун (аминлигин) сакълав; охрана труда загьматны къорув (савлукъгъа заралсыз, къоркъунчсуз шартлар); 2. (стража) сакълавчулар, къаравуллар, бир затны къоруйгъан асгер къурум.

охранение _ с. 1. (действие) сакълав, къорув; охранение общественного порядка жамиятлыкъ низамны сакълав; 2. воен. сакълавчу бёлюк, сакъчы бёлюк, къаравул бёлюк (душманны хапарсыз чапгъынындан сакълайгъан асгер бёлюк, отряд); сторожевое охранение сакъчы бёлюк, сакълавчу бёлюк, къаравул бёлюк.

охранять _ несов. кого-что сакъламакъ, къорумакъ, къаравул этмек; охранять социалистическую собственность социалист мюлкню къорумакъ.

охрипнуть _ сов. къарлыкъмакъ; тавушу къарлыкъмакъ; он охрип от простуды сувукъ тийип ону тавушу къарлыкъгъан.

оцарапать _ сов. кого-что тырнамакъ.

оцарапаться _ сов. тырналмакъ.

оценивать _ несов. см. оценить.

оцениваться _ несов. (рассматриваться, расцениваться) гьисапланмакъ, багьаланмакъ.

оценить _ сов. кого-что багьаламакъ, багьасын белгилемек, багьасын гесмек, багьа бермек, къыйматламакъ; оценить имущество малны багьаламакъ; оценить достоинства работы ишни яхшы янларына багьа бермек; ◊ оценить кого-л. по достоинству биревню тийишли кюйде къыйматламакъ.

оценка _ ж. багьалав, багьа белгилев, багьа гесив, багьа берив, къыйматлав; дать оценку чему-л. бир затны багьалав.

оценщик _ м. багьа береген, багьалайгъан, багьа гесеген, багьа токъташдырагъан адам.

оцепенение _ с. еринде къатып къалыв, гьис этмейгенлик, гьаракатсызлыкъ, тербенмейгенлик, къуврушуп къалыв; впасть в оцепенение къатып къалмакъ.

оцепенеть _ сов. къатып къалмакъ, уюп къалмакъ, гьис этмейген болуп, тербенмейген болуп къалмакъ, къуврушуп къалмакъ, токътап къалмакъ; оцепенеть от холода сувукъдан къатып къалмакъ.

оцепить _ сов. кого-что айланасын къуршамакъ, къуршавгъа алмакъ, сеп салмакъ, арагъа алмакъ; войска оцепили город асгер шагьарны къуршавгъа алды.

оцепление _ с. 1. (действие) айланасын къуршав, къуршавгъа алыв, сеп салыв, арагъа алыв; 2. (отряд) къуршавгъа алгъан асгер, сеп салгъан бёлюк, арагъа алгъан асгер бёлюк.

оцеплять _ несов. см. оцепить.